ଲଣ୍ତାକୋଟ ସଂରକ୍ଷିତ ଜଙ୍ଗଲରେ ବନ ବିଭାଗ ପକ୍ଷରୁ ଚଢ଼ଉ; ୨ ବ୍ୟବସାୟୀ, ତିନି ଶିକାରୀ ଗିରଫ
ନାକ୍ଟିଦେଉଳ : ସମ୍ବଲପୁର ଜିଲ୍ଲା ନାକ୍ଟିଦେଉଳ ବ୍ଲକ୍ ଗିରିଶ୍ଚନ୍ଦ୍ରପୁର ରେଞ୍ଜ ବଡ଼ବାହାଳ ଗ୍ରାମ ଅନ୍ତର୍ଗତ ଲଣ୍ତାକୋଟ ସଂରକ୍ଷିତ ଜଙ୍ଗଲରେ ବନବିଭାଗ ପକ୍ଷରୁ ଚଢ଼ଉ କରାଯାଇ ୩ ଶିକାରୀ ଓ ୨ ବ୍ୟବସାୟୀଙ୍କୁ ଗିରଫ କରାଯାଇଛି। ସେମାନଙ୍କଠାରୁ ୫ କେଜି କୁଟୁରା ମାଂସ, ଶୁଆ ୧୪ଟି, ବନ୍ଧୁକ ଗୋଟିଏ, ୩ଟି ଗୁଳି, ୨ଟି ଧନୁ ତୀର, ୧ଟି ଫାଶ, ମୁଣ୍ତ ସହ ସମ୍ବର ଶିଙ୍ଗ ଓ ବାଇକ୍ ଜବତ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ବିଶ୍ୱସ୍ତ ସୂତ୍ରରୁ ଖବର ପାଇ ଗିରିଶ୍ଚନ୍ଦ୍ରପୁର ରେଞ୍ଜ ଅଧିକାରୀ ସୁଶାନ୍ତ ବନ୍ଧଙ୍କ ନିର୍ଦ୍ଦେଶ କ୍ରମେ ଫରେଷ୍ଟର ସୁଜିତ ପ୍ରଧାନଙ୍କ ନେତୃତ୍ୱରେ ବନ କର୍ମଚାରୀମାନେ ସଦଳବଳେ ଚଢ଼ଉ କରି ବିକ୍ରି ପାଇଁ ଯୋଜନା କରୁଥିବା ବେଳେ ୨ ବେପାରୀ ପାରଧିଆମୁଣ୍ତା ଗ୍ରାମର ଇନ୍ଦ୍ର ବେହେରା (୨୯), ସନ୍ତୋଷ ବେହେରା (୩୦)ଙ୍କ ସହ ଶିକାରୀ ବଡ଼ବାହାଳ ଗ୍ରାମର କାର୍ତ୍ତିକ ଶବର (୫୮), ଧର୍ମୁ ଶବର (୫୩) ଓ ରମାକାନ୍ତ ଶବର (୨୫)ଙ୍କୁ ଗିରଫ କରିଥିଲେ। ଅଭିଯୁକ୍ତମାନଙ୍କୁ ଗୁରୁବାର କୋର୍ଟ ଚାଲାଣ କରାଯାଇଥିବା ଏବଂ ଜାମିନ ନାମଂଜୁର ହେବାରୁ ଜେଲ ହାଜତକୁ ପଠାଯାଇଥିବା ବନ ବିଭାଗ ପକ୍ଷରୁ ପ୍ରକାଶ।