ଟିକାକରଣ କ୍ଷେତ୍ରରେ ଓଡ଼ିଶାକୁ ଆଉ ଏକ ସଫଳତା: ରାଜ୍ୟରେ ଦିଆଗଲାଣି ୫ କୋଟି ଡୋଜ୍ ଟିକା
ଭୁବନେଶ୍ବର: ଟିକାକରଣ କ୍ଷେତ୍ରରେ ଓଡ଼ିଶାକୁ ଆଉ ଏକ ସଫଳତା ମିଳିଛି। ରାଜ୍ୟରେ ୫ କୋଟି ଡୋଜ୍ ଟିକା ଦିଆଯାଇଛି । ଶୁକ୍ରବାର ରାଜ୍ୟରେ ଟିକାକରଣ ୫ କୋଟି ଡୋଜ୍ ଟପିବା ସହିତ ଓଡିଶା ଟିକାକରଣ କ୍ଷେତ୍ରରେ ଆଉ ଏକ ମାଇଲଷ୍ଟୋନ୍ ଅତିକ୍ରମ କରିଛି । ତେବେ ଏନେଇ ରାଜ୍ୟର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଟୁଇଟ୍ କରି ସମସ୍ତ କୋଭିଡ୍ ଯୋଦ୍ଧାଙ୍କୁ ଶୁଭେଚ୍ଛା ଜଣାଇଛି ।
Sambad is now on WhatsApp
Join and get latest news updates delivered to you via WhatsApp
ସ୍ୱାସ୍ଥ୍ୟ ବିଭାଗ ଟୁଇଟ୍ କରି କହିଛି, ଶୁଭେଚ୍ଛା ଓଡ଼ିଶା! ଆମେ ଟିକାକରଣ କ୍ଷେତ୍ରରେ ଆଉ ଏକ ମାଇଲଷ୍ଟୋନ୍ ଅତିକ୍ରମ କରିଛେ । ରାଜ୍ୟରେ ଟିକାକରଣ ୫ କୋଟି ଡୋଜ୍ ଟପିଛି । ଏଥିପାଇଁ ଆମର ସମସ୍ତ କୋଭିଡ୍ ଯୋଦ୍ଧାଙ୍କୁ ସାଲ୍ୟୁଟ୍ । ସମସ୍ତ ସ୍ୱାସ୍ଥ୍ୟକର୍ମୀ ଓ ସମ୍ମୁଖ ଯୋଦ୍ଧାଙ୍କ ଦିନରାତି ପରିଶ୍ରମ ଫଳରେ ଓଡ଼ିଶା ଏହି ସଫଳତା ପାଇଛି ବୋଲି ସ୍ୱାସ୍ଥ୍ୟ ବିଭାଗ ଟୁଇଟ୍ କରି ଲେଖିଛି ।
Congratulations Odisha!
We have achieved the milestone of administration of 5 Cr #COVID19 vaccine doses to our citizens.
Salute to our COVID Warriors, our Healthcare and Frontline Workers who have worked day and night to help us achieve it. #OdishaCares
— H & FW Dept Odisha (@HFWOdisha) December 31, 2021
ରାଜ୍ୟରେ ଏବେ ଓମିକ୍ରନ୍ ଭୟ ବଢିବାରେ ଲାଗିଛି । ଏପରି ସ୍ଥିତିରେ ଟିକାକରଣ ସବୁଠୁ ଅଧିକ ଗୁରୁତ୍ୱପୂର୍ଣ୍ଣ ବୋଲି ବିଶେଷଜ୍ଞମାନେ ମତ ରଖୁଛନ୍ତି । ଏହାରି ଭିତରେ ରାଜ୍ୟରେ ଟିକାକରଣ ୫ କୋଟି ଡୋଜ୍ ଟପିବା ନିହାତି ପକ୍ଷେ ଆଶ୍ୱସ୍ଥିର ବିଷୟ । ତେବେ ରାଜ୍ୟରେ ଏବେ ଟିକାକରଣ ଏକ ମାଇଲଷ୍ଟୋନ୍ ଅତିକ୍ରମ କରୁଥିବାବେଳେ, କୋଭିଡ୍ ସଂକ୍ରମଣ ବୃଦ୍ଧି ଚିନ୍ତାର ବିଷୟ ପାଲଟିଛି ।