ଭୁବନେଶ୍ୱର : ନ୍ୟାସନାଲ୍ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (ଏନପିସିଆଇଏଲ) ତରଫରୁ ପ୍ରବୀଣା ରାୟଙ୍କୁ ନୂଆ ଚିଫ୍ ଅପରେଟିଂ ଅଫିସର୍(ସିଓଓ) ଓ ଏବଂ ଆରିଫ୍ ଖାନଙ୍କୁ ଚିଫ୍ ଡିଜିଟାଲ୍ ଅଫିସର୍ (ସିଡିଓ) ଭାବେ ନିଯୁ୍କ୍ତି ପ୍ରଦାନ କରାଯାଇଛି । ତାଙ୍କ ନିଯୁକ୍ତି ଯଥାକ୍ରମେ ଫେବ୍ରୁଆରି ୨୦ ଏବଂ ଫେବ୍ରୁଆରି ୧୮ରୁ ଲାଗୁ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ଭାରତରେ ଡିଜିଟାଲ୍କରଣକୁ ଆଗକୁ ବଢ଼ାଇବା ପାଇଁ ଏକ ସହଜ, ସୁରକ୍ଷିତ ଏବଂ ନିରବଚ୍ଛିନ୍ନ ଗ୍ରାହକ ଅନୁଭୂତିକୁ ନିଶ୍ଚିତ କରିବା ନିମନ୍ତେ ଏନ୍ପିସିଆଇର ରଣନୀତି ଅନୁସାରେ ମାର୍କେଟିଂ, ବ୍ୟବସାୟ ବିକାଶ, ଉତ୍ପାଦ ପରିଚାଳନା ଆଦିର ମୂତୟନ ଏବଂ ଦେଖାଶୁଣା କରିବେ ପ୍ରବୀଣା । ଉପଯୁକ୍ତ ସହଯୋଗିତା ଜରିଆରେ ସେ ଉତ୍ପାଦକୁ ଅଧିକ ଲୋକଙ୍କ ପାଖରେ ପହଂଚାଇବେ ଏବଂ ଏନ୍ପିସିଆଇ ଛବିର ପ୍ରଚାର ଦିଗରେ କାମ କରିବେ । ତାଙ୍କର ପେମେଂଟ୍, କାର୍ଡ, ଖୁଚୁର. କାରବାର, ପାଇକାରୀ ଏବଂ ବାଣିଜି୍ୟକ ବ୍ୟାଙ୍କିଙ୍ଗ୍ କ୍ଷେତ୍ରରେ ଦୀର୍ଘ ୨୦ ବର୍ଷର ଅଭିଜ୍ଞତା ରହିଛି । ଏନ୍ପିସିଆଇରେ ଯୋଗ ଦେବା ପୂର୍ବରୁ ସେ କୋଟାକ୍ ମହିନ୍ଦ୍ରା ବ୍ୟାଙ୍କରେ କାମ କରୁଥିଲେ । ଏହା ବ୍ୟତୀତ ସେ ଏଚ୍ଏସ୍ବିସିର ବିକ୍ରି ମୁଖ୍ୟ ଭାବେ ମଧ୍ୟ କାମ କରିଛ୍ତି । ତାଙ୍କର ଇଲେକ୍ଟ୍ରୋନିକ୍ସ ଆଣ୍ଡ୍ କମୁ୍ୟନିକେସନ୍ରେ ବ୍ୟାଚ୍ଲର୍ ଡିଗି୍ରି ଏବଂ ଆଇଆଇଏମ୍ ଅହମ୍ମଦାବାଦରୁ ପିଜି ଡିଗ୍ରି ରହିଛି ।