ବାରିପଦା: ସ୍ତ୍ରୀ କୁ ପିଟି ପିଟି ହତ୍ୟା କଲା ସ୍ୱାମୀ। ଏ ଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ବାରିପଦା ସଦର ଥାନା ଅଧିନ ମାଧବପୁର ଗାଁ ରେ। ଗତକାଲି ବିଳମ୍ବିତ ରାତ୍ରିରେ ଘଟଣା ଘଟିଥିଲେ ବି ଘଟଣା ପଦାକୁ ଆସିଛି ଆଜି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ମାଧବପୁର ଗାଁର ଖେଲା ସରେନ ଘୋରଇ କଳିକୁ ନେଇ ନିଜ ସ୍ତ୍ରୀ ରାଣୀ ସରେନ କୁ ଏକ ବାଉଁଶ ବାଡ଼ିରେ ପିଟି ପିଟି ହତ୍ୟା କରିଛି। ତେବେ ଦୀର୍ଘ ଦିନ ହେବ ସ୍ଵାମୀ ଓ ସ୍ତ୍ରୀ ଙ୍କ ମଧ୍ୟରେ ଝଗଡା ଲାଗିରହେ । ଗତକାଲି ସ୍ୱାମୀ ମଦ୍ୟପାନ କରି ସ୍ତ୍ରୀକୁ ଠେଙ୍ଗାରେ ମୁଣ୍ଡ, ପିଠି, ହାତ ଓ ଗୋଡ଼ରେ ଗଭୀର ଆଘାତ ଦେଇଥିଲା, ଠେଙ୍ଗା ରେ ପିଟିବା ପରେ ପ୍ରଚୁର ରକ୍ତସ୍ରାବ ପରେ ସ୍ତ୍ରୀ ର ମୃତ୍ୟୁ ହୋଇଅଛି।
ତେବେ ମୃତକ ରାଣୀର ଭାଇଙ୍କ ଅଭିଯୋଗ କ୍ରମେ ବାରିପଦା ସଦର ପୋଲିସ ୪୯/୨୦୧୯ ଏକ ମାମଲା ରୁଜ୍ଜୁ କରି ଘଟଣାସ୍ଥଳରେ ପହଞ୍ଚି ମୃତ ଦେହ ଉଦ୍ଧାର କରିଥିବା ବେଳେ ହତ୍ୟାକାରୀ ସ୍ୱାମୀ କୁ ଗିରଫ କରିଛି। ସବୁଠାରୁ ବଡ କଥା ହେଉଛି ହତ୍ୟାକାରୀ ମଧ୍ୟ ନିଜ ସ୍ତ୍ରୀ କୁ ପିଟି ପିଟି ହତ୍ୟା କରିଛି ବୋଲି ସ୍ୱୀକାର କରିଛି।