ଇଣ୍ଟରନେଟ୍ରୁ ଆତ୍ମହତ୍ୟା କରିବାର ବିଭିନ୍ନ ପ୍ରକାରର ଉପାୟ ଦେଖିବା ପରେ ଆତ୍ମହତ୍ୟା କଲେ ନର୍ସ
ଜୋଧପୁର : ଶନିବାର ଜୋଧପୁରରେ ଥିବା ଏମ୍ସ ହସ୍ପିଟାଲର ଜଣେ ନର୍ସ ଆତ୍ମହତ୍ୟା କରି ନେଇଥିବା ସୂଚନା ମିଳିଛି । ପୀଡ଼ିତାଙ୍କ ନାଁ ପିନୋସ ଥିବା ବେଳେ ସେ ମାସେ ପୂର୍ବରୁ କେରଳରେ ଥିବା ନିଜ ଘରକୁ ଯାଇ ଫେରିଥିଲେ । ଆତ୍ମହତ୍ୟା ପୂର୍ବରୁ ସେ ନିଜ ମୋବାଇଲରେ ବିଭିନ୍ନ ଉପାୟ ଦେଖିବା ସହ ସେଥିରୁ କିପରି ମଣିଷ ବଞ୍ଚି ନ ପାରିବ, ତାହା ମଧ୍ୟ ଦେଖିଥିଲେ । ତେବେ ପିନୋସ କ’ଣ ପାଇଁ ଏତେ ବଡ଼ ପଦକ୍ଷେପ ନେଲେ ତାହା ସ୍ପଷ୍ଟ ହୋଇ ନାହିଁ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ପିନୋସଙ୍କ ମା’ଙ୍କ ଦେହାନ୍ତ ହୋଇ ଯାଇଥିବା ବେଳେ ଘରେ କେବଳ ତାଙ୍କ ବାପା ଏବଂ ଦିବ୍ୟାଙ୍ଗ ଭାଇ ରୁହନ୍ତି । ମାସେ ପୂର୍ବରୁ ଘରୁ ଯାଇ ଆସିବା ପରେ ପିନୋସ ଅବସାଦଗ୍ରସ୍ତ ରହିବାକୁ ଲାଗିଥିଲେ । ଶନିବାର ଡ଼ାକ୍ତରଖାନାର ଷ୍ଟୋର ରୁମ୍କୁ ଯାଇ ପଛ ପଟୁ କବାଟ ଦେବା ସହ କିରୋସିନ ଢ଼ାଳି ନିଜ ଦେହରେ ନିଆଁ ଲଗାଇ ଦେଇଥିଲେ । ନିଆଁ ଲାଗିଥିବା ଦେଖି ସିକ୍ୟୁରିଟି ଗାର୍ଡ ତୁରନ୍ତ ଏମ୍ସର ଅଗ୍ନିଶମ କର୍ମଚାରୀଙ୍କୁ ଡ଼ାକି ନିଆଁ ଲିଭାଇବାକୁ ଚେଷ୍ଟା କରିଥିଲେ । କିନ୍ତୁ ସେତେବେଳକୁ ପିନୋସଙ୍କ ମୃତ୍ୟୁ ହୋଇ ସାରିଥିଲା । ତାଙ୍କ ପାଖରେ ଥିବା ମୋବାଇଲରୁ ସେ ଆତ୍ମହତ୍ୟା ପୂର୍ବରୁ ଇଣ୍ଟରନେଟ୍ରେ ବିଭିନ୍ନ ଉପାୟ ଦେଖିଥିବା ସାମ୍ନାକୁ ଆସିଥିଲା । ଏ ନେଇ ଖବର ଦିଆଯିବା ପରେ ଆତ୍ମହତ୍ୟାର କାରଣ ଖୋଜିବାରେ ଲାଗି ପଡ଼ିଛି ପୁଲିସ ।