କାମାକ୍ଷାନଗର: ଢେଙ୍କାନାଳ ଜିଲ୍ଲାର କାମାକ୍ଷାନଗର ବ୍ଲକରେ ପୃଥକ ପୃଥକ ଘଟଣାରେ ରବିବାର ୪ ବଖରା ଘର ଜଳି ଯାଇଛି। ରିପୋର୍ଟ ଅନୁସାରେ ପରଜଙ୍ଗ ତହସିଲ ଅନ୍ତର୍ଗତ ଜୟପୁରା କାଟେଣି ପଞ୍ଚାୟତ ପଦ୍ମପୁଖରୀ ଗ୍ରାମରେ ଅଗ୍ନିକାଣ୍ଡରେ ଗ୍ରାମର ଚିନ୍ତାମଣି ସାହୁଙ୍କ ଦୁଇ ବଖରା ଘର ଭସ୍ମିଭୂତ ହୋଇଛି। ଅଗ୍ନିକାଣ୍ଡରେ ନଗଦ ୫ ହଜାର ଟଙ୍କା ସହ ୫୦ ହଜାରୁ ଉର୍ଦ୍ଧ୍ୱ ଟଙ୍କାର ସମ୍ପତି ପୋଡି ପାଉଁଶ ହୋଇଛି। ଏଥି ସହି ଘରେ ଥିବା ଧାନ, ଚାଉଳ ଓ ମହୁଲ ମଧ୍ୟ ଜଳିଯାଇଥିଲା । କାମାକ୍ଷାନଗରରୁ ଅଗ୍ନିଶମ ବାହିନୀ ଆସି ନିଆଁକୁ ଆୟତ୍ତ କରିଥିଲା।
Sambad is now on WhatsApp
Join and get latest news updates delivered to you via WhatsApp
ସେହିପରି କଙ୍କଡ଼ାହାଡ଼ ତହସିଲ ଚଟକାପସି ଗାଁର କରୁଣାକର ସାହୁଙ୍କର ଦୁଇ ବଖରା ଘର ଜଳିଯିବା ସାଙ୍ଗକୁ ଘରେ ଥିବା ସମସ୍ତ ଆସବାହ ପତ୍ର ଜଳିଯାଇଥିଲା । ଅଗ୍ନିଶମ ବାହିନୀ ଆସି ନିଆଁକୁ ଆୟତ୍ତ କରିଥିଲା।