ମୋଦୀଙ୍କ ପରେ ନବୀନ:୧୦ରେ ସୁନ୍ଦରଗଡ଼ ଆସିବେ ମୁଖ୍ୟମନ୍ତ୍ରୀ, ରାଉରକେଲାରେ ରୋଡ୍‌ ସୋ

0

ସୁନ୍ଦରଗଡ଼: ୬ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସୁନ୍ଦରଗଡ଼ ଗସ୍ତ ପରେ ଆସନ୍ତା ୧୦ ତାରିଖରେ ଆସୁଛନ୍ତି ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସେ ଜିଲ୍ଲା ବ୍ୟାପୀ ବିଭିନ୍ନ ବିଧାନସଭା କ୍ଷେତ୍ରରେ ଆୟୋଜିତ ନିର୍ବାଚନୀ ସଭାରେ ଯୋଗ ଦେଇ ମାରାଥନ୍‌ ପ୍ରଚାର କରିବେ, ଏହା ସହ ରାଉ‌ରକେଲା ଓ ରଘୁନାଥପାଲିରେ ରୋଡ୍‌ ସୋ କରିବାର କାର୍ଯ୍ୟକ୍ରମ ରହିଛି। ସାଧାରଣ ନିର୍ବାଚନ ପରିପ୍ରେକ୍ଷୀରେ ମୁଖ୍ୟମନ୍ତ୍ରୀଙ୍କ ଗସ୍ତକୁ ନେଇ ବିଜେଡି ଶିବିରରେ ଉତ୍ସାହ ପ୍ରକାଶ ପାଇଛି। ମୁଖ୍ୟମନ୍ତ୍ରୀ ୧୦ ତାରିଖ ସକାଳ ୯ଟା ୨୦ରେ ଭୁବନେଶ୍ବର ବିଜୁ ପଟ୍ଟନାୟକ ବିମାନ ବନ୍ଦରରୁ ବିମାନ ଯୋଗେ ବାହାରି ଝାରସୁଗୁଡ଼ା ବୀର ସୁରେନ୍ଦ୍ର ସାଏ ବିମାନ ବନ୍ଦରରେ ସକାଳ ୧୦ଟା ୧୫ରେ ପହଞ୍ଚିବେ। ସେଠାରୁ ହେଲିକପ୍ଟର ଯୋଗେ ୧୦ଟା ୩୫ରେ ସୁନ୍ଦରଗଡ଼ ବିଧାନସଭା କ୍ଷେତ୍ରର ହେମଗିର ପଡ଼ିଆରେ ଓହ୍ଲାଇ ସାଧାରଣ ସଭାରେ ନିର୍ବାଚନ ପ୍ରଚାର କରିବେ। ୧୧ଟା ୨୦ରେ ତଳସରା ବିଧାନସଭା କ୍ଷେତ୍ରର ତିଲେଇକାନିରେ ଓହ୍ଲାଇ ଜନତାଙ୍କୁ ସମ୍ବୋଧନ କରିବେ। ୧୨ଟା‌ରେ ରାଜଗାଙ୍ଗପୁର ବିଧାନସଭା କ୍ଷେତ୍ରର ଜମାପାଲି ଠାରେ ଓହ୍ଲାଇ ନିର୍ବାଚନୀ ସଭାରେ ଉଦ୍‌ବୋଧନ ଦେବେ। ସେଠାରୁ ୧୨ଟା ୪୦ରେ ବଣାଇଁ ବିଧାନସଭା କ୍ଷେତ୍ରର ବଣାଇଁ ପଡ଼ିଆରେ ଓହ୍ଲାଇ ଆୟୋଜିତ ସଭାରେ ଉଦ୍‌ବୋଧନ ଦେବେ। ସେଠାରେ କିଛି ସମୟ ବିଶ୍ରାମ ନେବା ପରେ ୧ଟା ୪୦ରେ ବଣାଇଁରୁ ବାହାରି ୧ଟା ୫୫ରେ ବୀରମିତ୍ରପୁର ବିଧାନସଭା କ୍ଷେତ୍ରର ରାଏବଗାକୁ ଯିବ‌େ। ସେଠ‌ାରେ ସଭା ସାରି ୨ଟା ୩୫ରେ ରାଉରକେଲା ଏୟାରଷ୍ଟ୍ରିପ୍‌ରେ ଓହ୍ଲାଇ ରାଉରକେଲା ଓ ରଘୁନାଥପାଲି ବିଧାନସଭା କ୍ଷେତ୍ରରେ ରୋଡ୍‌ ସୋ କରିବେ। ଏହା ପରେ ଅପରାହ୍ନ ସାଢ଼େ ୫ଟାରେ ଭୁବନେଶ୍ବର ଅଭିମୁଖେ ଫେରିଯିବେ।

ସମ୍ବନ୍ଧିତ ଖବର

Leave A Reply

Your email address will not be published.