ପ୍ରଭୁଦେବାଙ୍କୁ ବିବାହ କରିବା ପାଇଁ ନିଜର ଧର୍ମ ବଦଳାଇ ଦେଇଥିଲେ ଏହି ସାଉଥ୍ ସୁପରଷ୍ଟାର, କିନ୍ତୁ ଅଧାରେ ରହି ଯାଇଥିଲା ସ୍ୱପ୍ନ
ନୂଆଦିଲ୍ଲୀ : ସାଉଥ୍ ସୁପରଷ୍ଟାର ତଥା କୋରିଓଗ୍ରାଫର ପ୍ରଭୁଦେବାଙ୍କର ଦେଶରେ ଏବଂ ଦେଶ ବାହାରେ କେତେ ପ୍ରଶଂସକ ଅଛନ୍ତି ତାହା ସମସ୍ତଙ୍କୁ ଜଣା । ତାଙ୍କୁ ଲୋକେ ମାଇକେଲ ଜାକ୍ସନ୍ଙ୍କ ସହ ତୁଳନା କରୁଥିବା ବେଳେ କିଛି ଲୋକ ତାଙ୍କୁ ନୃତ୍ୟର ଭଗବାନ ବୋଲି କହିିଥାନ୍ତି । ତେବେ ନିଜ ନୃତ୍ୟ ପାଇଁ ଏତେ ନାଁ କମାଇଥିବା ପ୍ରଭୁଦେବା ନିଜ ମନ ପସନ୍ଦର ଝିଅକୁ ବିବାହ କରିବାରେ ବିଫଳ ହୋଇଥିଲେ । ସାଉଥ୍ ସୁପରଷ୍ଟାର ନୟନତାରା ତାଙ୍କୁ ବିବାହ କରିବା ପାଇଁ ନିଜର ଧର୍ମ ପରିବର୍ତ୍ତନ କରିଥିଲେ ମଧ୍ୟ ନିଜ ପତ୍ନୀଙ୍କ ପାଇଁ ସେ ନୟନତାରାଙ୍କ ହାତ ଧରି ପାରି ନଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ଆରମ୍ଭ ହେବା ପରେ ବିବାହ ପାଇଁ ଧର୍ମ ବାଟର କଣ୍ଟା ସାଜୁଥିବା ଜାଣିବାକୁ ପାଇଥିଲେ ନୟନତାରା । ଏହା ପରେ ସେ ନିଜର ଧର୍ମ ବଦଳାଇ ଦେଇଥିଲେ । କିନ୍ତୁ ଦୁହିଁଙ୍କ ପ୍ରେମ ସଂପର୍କ ବିଷୟରେ ପ୍ରଭୁଦେବାଙ୍କ ପତ୍ନୀଙ୍କୁ ଜଣା ପଡ଼ିବା ପରେ ସେ ଅଦାଲତକୁ ଯିବାର ଧମକ ଦେବା ସହ ଅନଶନ କରିବାର ଧମକ ଦେଇଥିଲେ । ଫଳରେ ନୟନତାରା ଏବଂ ପ୍ରଭୁଦେବା ପରସ୍ପରଠାରୁ ଅଲଗା ହେବାର ନିଷ୍ପତ୍ତି ନେଇଥିଲେ ।