ରିତିକ୍-କରଣଙ୍କ ପରେ ଏବେ ରଣବୀର କପୁରଙ୍କୁ ଟାର୍ଗେଟ କଲେ କଙ୍ଗନା, କହିଲେ; ଦେଶବାସୀଙ୍କ ଟଙ୍କାରେ ମର୍ସିଡିଜ୍ ଗାଡ଼ି ଚଢ଼ୁଛ, କିନ୍ତୁ…
ମୁମ୍ବାଇ : ନିର୍ଦ୍ଦେଶକ-ପ୍ରଯୋଜକ କରଣ ଜୋହର ଏବଂ ଅଭିନେତା ରିିତିକ୍ ରୋଶନଙ୍କ ବିରୋଧରେ ବୟାନ ଦେବା ପରେ ଏବେ ଅଭିନେତା ରଣବୀର କପୁରଙ୍କୁ ଟାର୍ଗେଟ କରିଛନ୍ତି କଙ୍ଗନା ରାଣାଓ୍ଵତ୍ । ରଣବୀରଙ୍କୁ ଏକ ସାକ୍ଷାତକାରରେ ରାଜନୀତିକୁ ନେଇ ପଚରାଯାଇଥିବା ପ୍ରଶ୍ନ ଉପରେ ସେ ଯେଉଁ ଭଳି ଭାବରେ ନିଜର ଉତ୍ତର ରଖିଥିଲେ, ତାହାକୁ ନେଇ କଙ୍ଗନା ଏବେ ରଣବୀରଙ୍କୁ ପରାମର୍ଶ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରଣବୀରଙ୍କୁ ରାଜନୀତି ବିଷୟରେ ପଚରାଯିବା ପରେ, ‘ମୁଁ ରାଜନୀତି ବିଷୟରେ କ’ଣ କହିବି? ଆମକୁ ଫିଲ୍ମ ବିଷୟରେ ପଚାର ଆମେ କହିବୁ । ଆମ ଘରକୁ ତ ବିଜୁଳି, ପାଣି ଆସୁଛି’ ବୋଲି କହିଥିଲେ ରଣବୀର ।
ରଣବୀରଙ୍କ ଏଭଳି କଥା ଉପରେ ନିଜର ପ୍ରତିକ୍ରିୟା ରଖି, ‘ଆପଣ ଦେଶ ପାଇଁ ଅଛନ୍ତି । ଆପଣଙ୍କ ଘର ଏଇଠି । ଏ ସବୁ ଦେଶବାସୀମାନଙ୍କର ଟଙ୍କା ଯେଉଁ ଟଙ୍କାରେ ଆପଣ ମର୍ସିଡିଜ୍ ଗାଡ଼ି ଚଢ଼ୁଛନ୍ତି । ଏଭଳି କଥା ଆପଣ କିପରି କହି ପାରୁଛନ୍ତି । ନିଜ ସହ ଦେଶବାସୀଙ୍କ କଥା ବି ଭାବନ୍ତୁ। ଯେଉଁମାନଙ୍କୁ ବିଜୁଳି ଏବଂ ପାଣି ମିଳୁ ନାହିଁ, ସେମାନଙ୍କ ପାଇଁ ସ୍ୱର ଉଠାନ୍ତୁ” ବୋଲି କହିଥିଲେ କଙ୍ଗନା ।