ଇନ୍ଷ୍ଟାରେ ଏହି ୩ ବଲିଉଡ୍ କଳାକାରଙ୍କ ପ୍ରୋଫାଇଲ ଉପରେ ଲୁଚି ଲୁଚି ନଜର ରଖନ୍ତି ସାରା, ସାକ୍ଷାତକାରରେ କଲେ ଖୁଲାସା
ମୁମ୍ବାଇ : ଫିଲ୍ମ ‘କେଦାରନାଥ’ ଜରିଆରେ ବଲିଉଡ୍ରେ ପାଦ ରଖିବା ପରେ ଅଭିନେତ୍ରୀ ସାରା ଅଲ୍ଲୀ ଖାନ୍ଙ୍କ ଅଭିନୟକୁ ଦର୍ଶକ ପସନ୍ଦ କରିଥିଲେ । କେଦାରନାଥ ପରେ ସାରାଙ୍କ ଆଉ ଏକ ଫିଲ୍ମ ‘ସିମ୍ବା’ ରିଲିଜ୍ ହୋଇଥିଲା । ଦୁଇଟି ଯାକ ଫିଲ୍ମ ବକ୍ସ ଅଫିସରେ ଭଲ ପ୍ରଦର୍ଶନ କରିଥିବା ବେଳେ ସାରାଙ୍କ ଅଭିନୟକୁ ପ୍ରଶଂସା କରାଯାଇଥିଲା । ତେବେ ନିଜ ଅଭିନୟ ପାଇଁ ସେ ପ୍ରଥମେ ଚର୍ଚ୍ଚାରେ ରହିଥିବା ବେଳେ ଏବେ ନିଜ ବ୍ୟକ୍ତିଗତ କଥାକୁ ନେଇ ଚର୍ଚ୍ଚାରେ ରହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
She’s funny, she’s witty and she’s here to steal millions of hearts.
Here are some of the best moments from #SaraAliKhan‘s candid interview with editor @jiteshpillaai from #FamouslyFilmfare S2.@AmexIndia @MyNykaa pic.twitter.com/QXxhZ4gF72
— Filmfare (@filmfare) 31 January 2019
ଫିଲ୍ମଫେୟାରକୁ ସାକ୍ଷାତକାର ଦେଇ ସେ ନିଜ ବ୍ୟକ୍ତିଗତ ଜୀବନ ବିଷୟରେ ଖୁଲାସା କରିଛନ୍ତି । ଅଭିନେତା କାର୍ତ୍ତିକ ଆର୍ୟ୍ୟନଙ୍କୁ ସେ କ୍ୟୁଟ୍ ବୋଲି କହିବା ସହ କେଉଁ ୩ ଜଣ ବଲିଉଡ୍ କଳାକାରଙ୍କୁ ସେ ଇନ୍ଷ୍ଟାରେ ଲୁଚି ଲୁଚି ଦେଖନ୍ତି ସେ ବିଷୟରେ ଜଣାଇଛନ୍ତି । ଇନ୍ଷ୍ଟା ଖୋଲିବା ପରେ ସେ ଅଭିନେତା ବରୁଣ ଧଓ୍ଵନ, ରଣବୀର ସିଂହ ଏବଂ ଅଭିନେତ୍ରୀ ଜାହ୍ନବୀ କପୁରଙ୍କ ପ୍ରୋଫାଇଲ ଚେକ୍ କରିବା କଥା କହିଛନ୍ତି । କମ ସମୟ ବ୍ୟବଧାନରେ ସେ ଦର୍ଶକଙ୍କ ମନ କିଣି ନେଇଥିବା ବେଳେ ତାଙ୍କର ଏଭଳି ଖୁଲାସା ଚର୍ଚ୍ଚାର ବିଷୟ ପାଲଟିଛି । ମିଡିଆରେ ଜାହ୍ନବୀ ଏବଂ ସାରାଙ୍କ ମଧ୍ୟରେ ପ୍ରତିଯୋଗିତା ଚାଲୁଥିବା କଥା ନେଇ ଚର୍ଚ୍ଚା ହେଉଥିବା ବେଳେ ସାରା ଜାହ୍ନବୀଙ୍କ ପ୍ରୋଫାଇଲ ଚେକ୍ କରିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।