ଭୟଙ୍କର ଧୂଳିଝଡ଼ : ରାଜସ୍ଥାନ, ଉତ୍ତରପ୍ରଦେଶରେ ମୃତ୍ୟୁସଂଖ୍ୟା ୧୦୯ ଟପିଲା
ନୂଆଦିଲ୍ଲୀ : ଉତ୍ତର ଭାରତରେ ଦେଖାଦେଇଛି ଏକ ଭୟଙ୍କର ଧୂଳି ଝଡ଼ । ଏହି ଧୂଳିଝଡ଼ ଏତେ ଭୟଙ୍କର ଯେ ତାହା ରାଜସ୍ଥାନ, ଉତ୍ତରପ୍ରଦେଶ, ହରିୟାନା ଓ ଦିଲ୍ଲୀକୁ ପ୍ରଭାବିତ କରିଛି । ଦିନରେ ରାତିର ଭ୍ରମ ସୃଷ୍ଟି ହୋଇଛି । କେବଳ ଧୂଳିଝଡ଼ ନୁହେଁ ତା ସହିତ ବିଜୁଳି ଓ ବର୍ଷା ବି ହୋଇଛି । ଏହି ଝଡ଼ ଯୋଗୁଁ ମୃତ୍ୟୁ ସଂଖ୍ୟା ୧୦୯ ଟପିଯାଇଛି । କେବଳ ଉତ୍ତରପ୍ରଦେଶରେ ୬୪ ଜଣ ମୃତ୍ୟୁବରଣ କରିଥିବାବେଳେ ୧୬୦ ଜଣ ଆହତ ହୋଇଛନ୍ତି । ସେହିପରି ରାଜସ୍ତାନରେ ପ୍ରାୟ ୩୩ ଜଣ ମୃତ୍ୟୁ ବରଣ କରିଛନ୍ତି । ଏହି ସଂଖ୍ୟା ଆଗକୁ ଆହୁରି ବଢିବାର ସମ୍ଭାବନା ରହିଛି ବୋଲି ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଗତକାଲି ରାତି ୮ଟା ୪୫ରୁ ୧୧.୩୦ ମଧ୍ୟରେ ପଶ୍ଚିମ ଉତ୍ତରପ୍ରଦେଶରେ ଘଣ୍ଟା ପ୍ରତି ୧୨୬ କିଲୋମିଟର ବେଗରେ ଧୂଳିଝଡ଼ ହେବା ସହ ୪୮.୨ ମିଲିମିଟର ବର୍ଷା ହୋଇଥିଲା । କର୍ଣ୍ଣାଟକରେ ନିର୍ବାଚନ ପ୍ରଚାର କରୁଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ପ୍ରାକୃତିକ ଦୁର୍ବିପାକରେ ମୃତ୍ୟୁବରଣ କରିଥିବା ଲୋକମାନଙ୍କ ପ୍ରତି ଶ୍ରଦ୍ଧାଞ୍ଜଳୀ ଜ୍ଞାପନ କରିବା ସହ ରିଲିଫ କାର୍ଯ୍ୟକୁ ତ୍ୱରାନ୍ଵିତ କରିବାକୁ ନିର୍ଦ୍ଦେଶ ଦେଇଛନ୍ତି ।