ନୂଆଦିଲ୍ଲୀ: ଜଣେ ପୂର୍ବତନ ଆମେରିକୀୟ କୂଟନିତିଜ୍ଞ ଏପରି ଏକ କଥା କହିଛନ୍ତି ଯାହା ପାକିସ୍ତାନକୁ ଚିଡ଼େଇବା ପାଇଁ ଯଥେଷ୍ଟ । କାରଣ ଭାରତକୁ ପ୍ରସଂଶା କଲେ ପାକିସ୍ତାନକୁ ଭଲଲାଗେ ନାହିଁ । ପାକିସ୍ତାନକୁ ଆମେରିକା ନିନ୍ଦା କଲେ ବା ଧମକ ଦେଲେ ତାହା ପଛରେ ମୋଦିଙ୍କ ହାତ ରହିଛି ବୋଲି ପାକିସ୍ତାନ ଦେଖେ ।
Sambad is now on WhatsApp
Join and get latest news updates delivered to you via WhatsApp
ଆମେରିକାର ଜଣେ ପୂର୍ବତନ କୂଟନିତିଜ୍ଞ ଆଲିସା ଆଇରିସ୍ କହିଛନ୍ତି ଯେ ଭାରତ ବିଶ୍ୱର ଏକ ପ୍ରମୁଖ ଶକ୍ତିରେ ପରିଣତ ହେବାକୁ ଯାଉଛି । କିନ୍ତୁ ଭାରତ ନିଜେ ନିଜ ବଳରେ ଉପରକୁ ଉଠୁଛି, ଏଥିପାଇଁ କାହାରିକୁ ପଦଚ୍ୟୁତ କରୁନାହିଁ । ବିଶ୍ୱର ପ୍ରମୁଖ ଶକ୍ତିମାନଙ୍କ ମଧ୍ୟରେ ଭାରତ ନିଜର ଏକ ସ୍ଥାନ ତିଆରି କରିବାରେ ସକ୍ଷମ ହୋଇଛି ।
ଏକ ଆମେରିକୀୟ ଚିନ୍ତନ ଗୋଷ୍ଠୀ- କାଉନସିଲ ଅନ ଫରେନ ରିଲେସନ୍ସର ସଦସ୍ୟ ଥିବା ଆଲିସା ନିଜର ଏକ ପୁସ୍ତକ ଆଓ୍ଵାର ଟାଇମ ହାଜ୍ କମ୍, ହାଓ ଇଣ୍ଡିଆ ଇଜ୍ ମେକିଙ୍ଗ ଇଟ୍ସ ପ୍ଲେସ ନି ଦ ଓ୍ଵାର୍ଲଡ ( ଆମ ସମୟ ଆସିଛି: କିପରି ଭାରତ ବିଶ୍ୱରେ ନିଜ ସ୍ଥାନ ହାସଲ କରୁଛି )ରେ ଏ ସଂପର୍କରେ ଲେଖିଛନ୍ତି ।
ସେ କହିଛନ୍ତି ଗତ ୨୫ ବର୍ଷ ମଧ୍ୟରେ ଭାରତର ପ୍ରଗତି ତ୍ୱରାନ୍ଵିତ ହୋଇଛି । ଭାରତ ସହ ଆମେରିକାର ସମ୍ପର୍କ ମଧ୍ୟ ସ୍ୱତନ୍ତ୍ର । କାରଣ ଭାରତ ଆମେରିକା ସହିତ ଆର୍ଥିକ ଓ ସାମରିକ ସଂପର୍କ ରଖିଥିଲେ ମଧ୍ୟ ସେଥିପାଇଁ କୌଣସି ସର୍ତ୍ତ ତାଉପରେ ଆରୋପ କରାଯାଇନାହିଁ ।