ଏନଏସ୍ଏସ୍ଓ ରିପୋର୍ଟ ବଢ଼ାଇଲା ମୋଦିଙ୍କ ମୁଣ୍ଡବିନ୍ଧା : ୪୫ ବର୍ଷ ମଧ୍ୟରେ ୨୦୧୭-୧୮ରେ ବେକାର ସଂଖ୍ୟା ସର୍ବାଧିକ

ନୂଆଦିଲ୍ଲୀ:   ବିଗତ ୪୫ ବର୍ଷ ମଧ୍ୟରେ ବେକାରି ଏତେ ଉତ୍କଟ ନ ଥିଲା, ଯାହା ଗତବର୍ଷ ଦେଖିବାକୁ ମିଳିଥିଲା। ସର୍ବାଧିକ ବେକାର ୨୦୧୭-୧୮ରେ ରହିଛନ୍ତି  । ଜାତୀୟ ନମୁନା ସର୍ବେକ୍ଷଣ ପ୍ରତିଷ୍ଠାନ (ଏନଏସ୍ଏସ୍ଓ) ପକ୍ଷରୁ ଜାରି  ପିଏଲଏଫ୍ଏସର ରିପୋର୍ଟରେ ଏହି ତଥ୍ୟ ପ୍ରକାଶ ପାଇଛି । ସରକାରଙ୍କ ବଜେଟ୍ ପୂର୍ବରୁ ହିଁ ଏହି ରିପୋର୍ଟ ସାମ୍ନାକୁ ଆସିଛି । ଏପରିସ୍ଥଳେ ଲୋକସଭା ନିର୍ବାଚନ ପୂର୍ବରୁ ଏହି ପ୍ରସଙ୍ଗକୁ ନେଇ ବିରୋଧୀ ସରକାରଙ୍କୁ ଘେରି ପାରନ୍ତି। ବିରୋଧୀ ଦଳ ଲଗାତାର ରୋଜଗାର ପ୍ରସଙ୍ଗ ଉପରେ ମୋଦି ସରକାରଙ୍କୁ ଟାର୍ଗେଟ୍ କରୁଛନ୍ତି । ନିବାଚନ ପୂର୍ବରୁ ଏହି ରିପୋର୍ଟ ଆସିବା ପରେ କେନ୍ଦ୍ର ସରକାରଙ୍କ ମୁଣ୍ଡବିନ୍ଧା ଅଧିକ ବଢ଼ିଯାଇଛି। ଏନଏସ୍ଏସ୍ଓ  ରିପୋର୍ଟ ପ୍ରଧାନମନ୍ତ୍ରୀଙ୍କ ଚିନ୍ତାର କାରଣ ପାଲଟିଛି। କାରଣ ଏହାକୁ ନେଇ କଂଗ୍ରେସ କଡ଼ା ସମାଲୋଚନା ଆରମ୍ଭ କରିଛି।

ରିପୋର୍ଟ ଅନୁସାରେ ୧୯୭୨ ପରେ ୨୦୧୭-୧୮ରେ ଦେଶରେ ବେକାରି ସଂଖ୍ୟା ସର୍ବାଧିକ । ତେବେ ଏବେ ପର୍ଯ୍ୟନ୍ତ ଏହି ରିପୋର୍ଟକୁ ସାର୍ବଜନୀନ କରାଯାଇନାହିଁ । କିନ୍ତୁ ବିଜିନେସ୍ ଷ୍ଟା୍ଣ୍ଡାଡ଼୍ ଏହି ରିପୋର୍ଟର ଖୁଲାସା କରିଛି ।  ରିପୋର୍ଟ ଅନୁସାରେ ୨୦୧୧-୧୨ରେ ବେକାରି ସଂଖ୍ୟା ୨.୨ ପ୍ରତିଶତ ଥିଲା । ଯୁକମାନେ ଅଧିକ ବେକାର ଥିଲେ । ୧୩ରୁ ୨୭ ପ୍ରତିଶତ ଥିଲା ବେକାରି ସଂଖ୍ୟା । ସହରରେ ବେକାରି ସଂଖ୍ୟା ଅଧିକ ଥିଲା । ସହରରେ ୭.୮ ପ୍ରତିଶତ ଥିଲାବେଳେ ଗାଁରେ ଥିଲା ୫.୩ ପ୍ରତିଶତ ।

Modiji,

Unemployment rate is at a 45-year high.

This is why the NSSO Report was kept under the wraps.

This is why members of NSC resigned.

Promise of 2Cr Jobs turned out to be a cruel joke!

India does not want a Govt that has left the future of our youth in jeopardy. pic.twitter.com/s4yjYKfIsx

— Randeep Singh Surjewala (@rssurjewala) January 31, 2019

ନଭେମ୍ବର ୨୦୧୬ରେ ବିମୁଦ୍ରାକରଣ ହେବା ପରେ ଏନଏସଏଏସଓର ଏହା ପ୍ରଥମ ବାର୍ଷିକ ସର୍ବେକ୍ଷଣ । ଜାତୀୟ ପରିସଂଖ୍ୟାନ ଆୟୋଗର ଚେୟାରପର୍ସନ ପିସି ମୋହନଙ୍କ ସମେତ ଆଉ ଦୁଇ ଜଣ କର୍ମଚାରୀ ଇସ୍ତଫା ଦେବାପରେ ଏହି ରିପୋର୍ଟ ସାମ୍ନାକୁ ଆସିଛି । ତେବେ ଏନେଇ ସରକାର ସଫେଇ ଦେଇଛନ୍ତି । ଆସିଥିବା ରିପୋର୍ଟ ମାତ୍ର ୩ ମାସର ବୋଲି କହିଛନ୍ତି ସରକାର । ପରେ ସମ୍ପୂର୍ଣ୍ଣ ତଥ୍ୟ ପ୍ରଦାନ କରାଯିବ ବୋଲି ସ୍ପଷ୍ଟ କରିଛନ୍ତି ।