ଖଲିସ୍ତାନ ପ୍ରସଙ୍ଗରେ ଶିଖ ମାନଙ୍କୁ ଉତ୍ତେଜିତ କରୁଛି ପାକିସ୍ତାନ

ଭାରତର ଅସନ୍ତୋଷ, ଖଣ୍ଡନ କଲା ପାକ୍‌

0 284

ଇସ୍ଲାମାବାଦ: ପାକିସ୍ତାନ ଶିଖମାନଙ୍କୁ ଖଲିସ୍ତାନ ପ୍ରସଙ୍ଗରେ ପ୍ରବର୍ତ୍ତାଉଛି ବୋଲି ଭାରତର ଅଭିଯୋଗକୁ ଇସ୍ଲାମାବାଦ ଅସ୍ୱୀକାର କରିଛି । ପାକିସ୍ତାନ କହିଛି ଯେ ଏଭଳି ମିଛ ପ୍ରଚାର କରି ଭାରତ ଜାଣିଶୁଣି ଉତ୍ତେଜନା ସୃଷ୍ଟି କରୁଛି । ପାକିସ୍ତାନ ସମଗ୍ର ବିଶ୍ୱରୁ ହିନ୍ଦୁ ଓ ଶିଖ ତୀର୍ଥଯାତ୍ରୀଙ୍କୁ ସ୍ୱାଗତ କରୁଛି ବୋଲି ପାକିସ୍ତାନର ବିଦେଶ ଅଫିସ କହିଛି ।

ପାକିସ୍ତାନର ରାଓ୍ଵଲପିଣ୍ଡି ଜିଲ୍ଲାରେ ଥିବା ଗୁରୁଦ୍ୱାରା ପଂଜା ସାହିବକୁ ବାର୍ଷିକ ବୈଶାଖୀ ମେଳ ପାଇଁ ପ୍ରାୟ ୧୮ଶହ ଭାରତୀୟ ଶିଖ ତୀର୍ଥଯାତ୍ରୀ ଯାଇଛନ୍ତି । କିନ୍ତୁ ଏହି ଭାରତୀୟ ନାଗରିକମାନଙ୍କୁ କନସୁଲାର ସେବା ପ୍ରଦାନ ପାଇଁ ଭାରତୀୟ ହାଇକମିଶନର ଅଧିକାରୀମାନଙ୍କୁ ପାକିସ୍ତାନ ଅନୁମତି ଦେଇନଥିଲା । ଭାରତୀୟ କନସୁଲାର ଟିମକୁ ଏପ୍ରିଲ ୧୨ ତାରିଖରେ ଯାତ୍ରୀମାନଙ୍କୁ ଭେଟିବାକୁ ଦିଆଯାଇନଥିଲା । ସେହିପରି ଏପ୍ରିଲ ୧୪ ବୈଶାଖି ଦିନ ମଧ୍ୟ ଗୁରୁଦ୍ୱାରା ପଂଜା ସାହିବକୁ ପ୍ରବେଶ ଅନୁମତି ଦିଆଯାଇନଥିଲା । ତୀର୍ଥଯାତ୍ରୀଙ୍କୁ ଭେଟିବାକୁ ଗୁରୁଦ୍ୱାରକୁ ଯାଉଥିବା ଭାରତୀୟ ହାଇକମିଶନର ଅଜୟ ବିସାରିଆଙ୍କୁ ବାଟରୁ ଫେରାଇ ଦିଆଯାଇଥିଲା । ଏହାକୁ ନେଇ ଭାରତ ସରକାର ଅସନ୍ତୋଷ ପ୍ରକାଶ କରିଛନ୍ତି । ଏଥିପାଇଁ ଭାରତ ପକ୍ଷରୁ ଗତକାଲି ନୂଆଦିଲ୍ଲୀରେ ଥିବା ପାକିସ୍ତାନୀ ଉଚ୍ଚାୟୁକ୍ତଙ୍କୁ ଡକାଇ ଅସନ୍ତୋଷ ପ୍ରକାଶ କରାଯାଇଥିଲା ।

ସମ୍ବନ୍ଧିତ ଖବର

Leave A Reply

Your email address will not be published.