ପଞ୍ଜାବର ତର୍ଣ୍ଣ ତରଣ ଜିଲ୍ଲାରେ ପାକିସ୍ତାନୀ ଡ୍ରୋନ୍କୁ ଖସାଇଲା ବିଏସ୍ଏଫ୍; ହାଇ ଆଲର୍ଟ ଜାରି
ନୂଆଦିଲ୍ଲୀ: ପଞ୍ଜାବର ତର୍ଣ୍ଣ ତରଣ ଜିଲ୍ଲା ଅନ୍ତର୍ଗତ ଖେମ୍ କରଣ ସେକ୍ଟର୍ ଠାରେ ସୀମା ସୁରକ୍ଷା ବଳ (ବିଏସ୍ଏଫ୍) ଗୋଟାଏ ପାକିସ୍ତାନୀ ଡ୍ରୋନ୍କୁ ଗୁଳି ମାରି ଖସାଇ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ପରେ ପରେ ସୀମାନ୍ତ ଗାଁଗଣ୍ଡା ଏବଂ ଆଖପାଖ ଅଞ୍ଚଳରେ ହାଇଆଲର୍ଟ ଜାରି ହୋଇଛି।
ବୁଧବାର ବିଳମ୍ବିତ ରାତ୍ରୀରେ ରୋହତକ ଜିଲ୍ଲାର ବିଓପି ଠାରେ ଡ୍ରୋନ୍ଟି ଦେଖା ଦେଇଥିଲା। ପରେ ପରେ ବିଏସ୍ଏଫ୍ ଏହାକୁ ଆଣ୍ଟି-ଏୟାର୍କ୍ରାଫ୍ଟ୍ ବନ୍ଧୁକ ଚଳାଇ ଖସାଇ ଦେଇଥିଲା। କିନ୍ତୁ, ଡ୍ରୋନ୍ଟି ଭାରତ ସୀମା ପଟେ କି, ପାକିସ୍ତାନ ସୀମା ପଟେ ପଡ଼ିଛି ତାହା ଜଣାପଡ଼ି ନାହିଁ।
ଗାଁ ସରପଞ୍ଚ ଲଖବୀର ସିଂହଙ୍କ କହିବା ଅନୁସାରେ, ସେ ଡ୍ରୋନ୍ଟିକୁ ଦେଖିବା ପରେ ଗୁଳି ମରାଯାଇ ତାହାକୁ ଖସାଇ ଦିଆ ଯାଇଥିଲା।
ରବିବାର ବିଳମ୍ବିତ ରାତ୍ରୀରେ ଭାରତୀୟ ବାୟୁସେନା ପଞ୍ଜାବ ସୀମା ନିକଟରେ ପଇଁତରା ମାରୁଥିବା ଚାରିଟି ଏଫ୍-୧୬ ବିମାନକୁ ଭାରତୀୟ ବାୟୁସେନାର ସୁଖୋଇ-୩୦ ଏବଂ ମିରେଜ୍-୨୦୦୦ ଲଢୁଆ ବିମାନ ଘଉଡ଼ାଇ ଦେଇଥିଲା।