କେବଳ କ୍ଷମତା (ପାୱାର୍ ) ନୁହେଁ, ବରଂ ପାୱାର୍ ବି ବିଷ : ସଂଜୟ ନିରୂପମ
ମୁମ୍ବାଇ: ମହାରାଷ୍ଟ୍ରରେ ହଠାତ୍ ବିଜେପିର ସରକାର ଗଠିତ ହେବାକୁ ନେଇ ପ୍ରତିକ୍ରିୟା ରଖିଛନ୍ତି ପୂର୍ବତନ ମହାରାଷ୍ଟ୍ର କଂଗ୍ରେସ ଅଧ୍ୟକ୍ଷ ସଂଜୟ ନିରୂପମ । ସେ କହିଛନ୍ତି, ‘ ଏକଥା ଶୁଣି ମୁଁ ଦୁଃଖିତ। କେବଳ କ୍ଷମତା (ପାୱାର୍ ) ନୁହେଁ,ବରଂ ପାୱାର ବି ବିଷ।’
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ,ମହାରାଷ୍ଟ୍ରରେ କଂଗ୍ରେସ, ଶିବସେନା ଏବଂ ଏନସିପି ସହ ମିଶି ସରକାର ଗଠନର ଉଦ୍ୟମରେ ଲାଗିପଡିଥିବା ବେଳେ ସଂଜୟ ନିରୂପମ ଏହାକୁ ବିରୋଧ କରିଛନ୍ତି । ଆଗରୁ ସଂଜୟ ନିରୂପମ କହିଥିଲେ ଯେ ବର୍ଷେ ପୂର୍ବରୁ କଂଗ୍ରେସ ଉତ୍ତର ପ୍ରଦେଶରେ ବିଏସପି ସହ ମେଣ୍ଟ କରି ଯେଉଁ ବଡ଼ ଭୁଲ୍ କରିଥିଲା,ପୁଣି ଥରେ ସେଭଳି ଭୁଲ ମହାରାଷ୍ଟ୍ରରେ ନ କରୁ।
କଂଗ୍ରେସ ସେତେବେଳେ ବିଏସପି ସହ ମେଣ୍ଟ କରି ଏଭଳି ଅବସ୍ଥାକୁ ଆସିଲା ଯେ, ବର୍ତ୍ତମାନ ବି ସେଠାରେ ନିଜର ସ୍ଥିତି ଜାହିର କରିପାରୁନି । ମହାରାଷ୍ଟ୍ରରେ ମଧ୍ୟ ଦଳ ସେହି ଭୁଲ୍ କରିବାକୁ ଯାଉଛି । ଶିବସେନାରେ ତୃତୀୟ ନମ୍ବରର ଦଳ ବନିବା କଂଗ୍ରେସ ପାଇଁ ମାଟିରେ ପୋତି ହେବା ଭଳି । କଂଗ୍ରେସ ଅଧ୍ୟକ୍ଷା କୌଣସି ଚାପରେ ନ ଆସି ଏଭଳି ନିଷ୍ପତ୍ତି ନ ନେବାକୁ କହିଥିଲେ ସଂଜୟ ନିରୂପମ ।