ମାନସିକ ଅସୁସ୍ଥ ବନ୍ଦୀ ତାଲିକାର ଶୀର୍ଷରେ ରହିଛି ଦକ୍ଷିଣ ଭାରତୀୟ ଜେଲ୍‌

ହାଇଦ୍ରାବାଦ: ନିକଟରେ ନ୍ୟାସ୍‌ନାଲ୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ମେଣ୍ଟାଲ୍‌ ହେଲ୍‌ଥ୍‌ ଆଣ୍ଡ୍‌ ନୁରୋ ସାଇନ୍‌ସେସ୍‌ (ନିମ୍‌ହାନ୍‌ସ୍‌) ଦେଶରେ ବନ୍ଦୀଥିବା ମାନସିକ ଅସୁସ୍ଥ ବନ୍ଦୀଙ୍କ ଉପରେ ଏକ ସର୍ବେକ୍ଷଣ କରି ଜଣାଇଛି ଯେ ଦକ୍ଷିଣ ଭାରତୀୟ ରାଜ୍ୟଗୁଡ଼ିକରେ ଏ ଭଳି ବନ୍ଦୀଙ୍କ ସଂଖ୍ୟା ଖୁବ୍‌ ଅଧିକ।

ଯଥାକ୍ରମେ ୩୮୩ ଏବଂ ୩୦୫ ଏଭଳି ବନ୍ଦୀ ଥାଇ କର୍ଣ୍ଣାଟକ ଏବଂ କେରଳ ତାଲିକାର ଶ୍ରେଷ୍ଠରେ ରହିଛନ୍ତି। ଆନ୍ଧ୍ର ପ୍ରଦେଶ ଏବଂ ତେଲେଙ୍ଗାନାରେ ଯଥାକ୍ରମେ ୧୪୪ ଏବଂ ୧୩୩ ଜଣ ମାନସିକ ଅସୁସ୍ଥ ବନ୍ଦୀ ଥିବାରୁ ତାଙ୍କୁ ତୃତୀୟ ଏବଂ ଚତୁର୍ଥ ସ୍ଥାନରେ ସ୍ଥାନିତ କରାଯାଇଛି। ଏହି ତାଲିକା ୨୦୧୬ ବର୍ଷ ସର୍ବେକ୍ଷଣ ଆଧାରରେ ପ୍ରସ୍ତୁତ କରାଯାଇଛି।

ରିପୋର୍ଟ ଅନୁସାରେ, ଜେଲ୍‌ କର୍ମଚାରୀମାନଙ୍କ ଅବହେଳା ଏବଂ ଜେଲ୍‌ରେ ମାନବିକ ଅଧିକାର ଉଲ୍ଲଂଘନ ଜେଲ୍‌ରେ ମାନସିକ ଅସୁସ୍ଥ ରୋଗୀଙ୍କ ସଂଖ୍ୟା ବଢ଼ାଇବାର ମୁଖ୍ୟ କାରଣ ସାଜିଛି।

ଇନ୍‌ସ୍‌ପେକ୍ଟର୍‌ ଜେନେରାଲ୍‌ ଅଫ୍‌ ପ୍ରିଜନ୍‌ ଆକୁଳ ନରସିଂହ କହନ୍ତି: ତେଲେଙ୍ଗାନାର ଡାଇରେକ୍ଟର୍‌ ଜେନେରାଲ୍‌ ଅଫ୍‌ ପ୍ରିଜନ୍‌ସ୍‌ ବିନୟ କୁମାର ସିଂହଙ୍କ ଏହାର କାରଣଗୁଡ଼ିକ ମଧ୍ୟରୁ ମଦ୍ୟ, ନିଶା ଔଷଧ ଏବଂ ଧୂମପାନକୁ ଚିହ୍ନଟ କରିଛନ୍ତି। ଦୁଇ ବର୍ଷ ତଳୁ ସେ ଏସବୁ ସାମଗ୍ରୀକୁ ଜିଲ୍ଲା କାରାଗାରରେ ନିଷିଦ୍ଧ କରିଛନ୍ତି।

ଗଞ୍ଜାଇ, ମଦ, ସିଗାରେଟ୍‌, ବିଡ଼ି ଆଦିକୁ ଜେଲ୍‌ ମଧ୍ୟରେ ନିଷିଦ୍ଧ କରିବା ପରେ ଜେଲ୍‌ରେ ମୃତ୍ୟୁ ସଂଖ୍ୟା ହ୍ରାସ ପାଇଛି ଏବଂ ବନ୍ଦୀମାନଙ୍କର ମାନସିକ ଅବସ୍ଥା ଶୁଧୁରିଛି। ଯୋଗ ଏବଂ ଧ୍ୟାନ ମଧ୍ୟ ପ୍ରଚଳନ କରାଯାଇଛି ବୋଲି ଶ୍ରୀ ନରସିଂହ କହନ୍ତି। ଶ୍ରୀ ନରସିଂହ କହନ୍ତି ଯେ ଅନ୍ୟ ରାଜ୍ୟଗୁଡ଼ିକ ତୁଳନାରେ ତେଲେଙ୍ଗାନାରେ ଲୋକ ବଳ ଅଧିକ। ପ୍ରତି ଆଠଜଣ ବନ୍ଦୀଙ୍କ ସକାଶ ଜଣେ କର୍ମଚାରୀ ନିୟୋଜିତ ହୋଇଛନ୍ତି।

ପ୍ରଥମ ଥର ଅପରାଧ କରିଥିବା ବନ୍ଦୀମାନଙ୍କ ନିଃସଙ୍ଗତାକୁ ପ୍ରତିହତ କରିବା ପାଇଁ ଆମେ ମନୋବିଜ୍ଞାନୀ ଏବଂ ମାନସିକ ରୋଗ ବିଶେଷଜ୍ଞଙ୍କ ଦ୍ୱାରା ସେମାନଙ୍କୁ କାଉନ୍‌ସେଲିଙ୍ଗ୍‌ ଯୋଗାଇ ଦେଉଛୁ। ପ୍ରଖ୍ୟାତ ପରାମର୍ଶଦାତାମାନେ ନିୟମିତ ତେଲେଙ୍ଗାନା କାରାଗାରଗୁଡ଼ିକୁ ଯାଇ ଏଭଳି ବନ୍ଦୀମାନଙ୍କର ଚିକିତ୍ସା କରୁଛନ୍ତି। ଏରାଡାସ୍ଥିତ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ମେଣ୍ଟାଲ୍‌ ହେଲ୍‌ଥକୁ କେତେକ ବନ୍ଦୀଙ୍କୁ ପଠାଯାଇଛି। ସେଠାରେ ଗତବର୍ଷ ୧୩୩ ଜଣ ବନ୍ଦୀଙ୍କର ଚିକିତ୍ସା କରାଯାଇଛି ବୋଲି ସେ କହିଛନ୍ତି।