ଉତ୍ତରପ୍ରଦେଶ: ଡଙ୍ଗା ବୁଡ଼ି ୬ ମୃତ
ଲକ୍ଷ୍ନୌ: ଉତ୍ତରପ୍ରଦେଶରେ ଥିବା ସାରାୟୁ ନଦୀରେ ଏକ ଦୁର୍ଘଟଣା ଘଟି ୬ ଜଣ ପାଣିରେ ବୁଡ଼ି ପ୍ରାଣ ହରାଇଛନ୍ତି। ସେମାନଙ୍କ ମଧ୍ୟରେ ୪ ଜଣ ଶିଶୁ ଥିବା ଜଣାପଡ଼ିଛି। ସେମାନେ ହେଉଛନ୍ତି ରାଜେଶ(୨୫), ବ୍ରିଜେଶ(୨୦), ମଗନ(୧୭), ବିଜୟ(୧୬), ତ୍ରିନାଥ(୧୨) ଏବଂ ସକିଲ(୧୨)।
Sambad is now on WhatsApp
Join and get latest news updates delivered to you via WhatsApp
ଲୋକମାନେ ମେଳା ଦେଖି ସାରି ନଦୀ ପାର୍ ହେଉଥିବା ବେଳେ ଡଙ୍ଗାଟି ଭାରସାମ୍ୟ ହରାଇବାରୁ ୬ ଜଣ ପାଣି ଭିତରକୁ ଖସି ପଡ଼ିଥିଲେ। ଡଙ୍ଗାରେ ଥିବା ଅନ୍ୟ ୩ ଜଣ ଯାତ୍ରୀ ପହଁରା ଶିଖିଥିବାରୁ କୂଳରେ ପହଞ୍ଚିବାରେ ସମର୍ଥ ହୋଇଥିଲେ। ପାଣିରେ ବୁଡ଼ି ଯାଇଥିବା ମୃତକମାନଙ୍କ ମୃତଦେହକୁ ଉଦ୍ଧାର କରାଯାଇ ବ୍ୟବଚ୍ଛେଦ ପାଇଁ ପଠାଯାଇଛି।
ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୃତକ ପରିବାରକୁ ୨ ଲକ୍ଷ ଲେଖାଏ ଅନୁକମ୍ପାମୂଳକ ରାଶି ଘୋଷଣା କରିଛନ୍ତି। ଅନ୍ୟାନ୍ୟ ବୀମା କାରଣରୁ ସେମାନଙ୍କୁ ଆହୁରି ୫୬ ଲକ୍ଷ ଲେଖାଏଁ ମଧ୍ୟ ପ୍ରଦାନ କରାଯିବ।