ଅନୁଭବ ଓ ବୈଜୟନ୍ତଙ୍କୁ କଡ଼ା ମୁକାବିଲା କରିବାକୁ ଧରଣୀଧରଙ୍କୁ ମଇଦାନକୁ ଓହ୍ଲାଇଲା କଂଗ୍ରେସ

1

କେନ୍ଦ୍ରାପଡ଼ା : କେନ୍ଦ୍ରାପଡ଼ା ଲୋକସଭା ଆସନ ପାଇଁ ଆଜି ପ୍ରାର୍ଥୀ ଘୋଷଣା କରିଛି କଂଗ୍ରେସ । ପୂର୍ବରୁ ଶାସକ ଦଳ ବିଜେଡ଼ି ଓ ବିଜେପି ନିଜ ନିଜ ପ୍ରାର୍ଥୀଙ୍କୁ ମଇଦାନକୁ ଓହ୍ଲାଇ ସାରିଛନ୍ତି । ରାଜ୍ୟ ରାଜନୀତିର ଅଭିଜ୍ଞ ନେତା ବୈଜୟନ୍ତ ପଣ୍ଡାଙ୍କୁ ବିଜେପି ପ୍ରାର୍ଥୀ ଘୋଷଣା କରିଥିବା ବେଳେ ଅଭିନତାରୁ ନେତା ବନିଥିବା ଅନୁଭବ ମହାନ୍ତିଙ୍କୁ ବାଛିଛନ୍ତି ବିଜେଡ଼ି ସୁପ୍ରିମୋ । ଏପଟେ ଆଜି କେନ୍ଦ୍ରାପଡ଼ା ରଣଭୂମି ପାଇଁ ଯୋଦ୍ଧା ବାଛିଛନ୍ତି କଂଗ୍ରେସ ହାଇକମାଣ୍ଡ । ପୁଣି ଥରେ ଧରଣୀଧର ନାୟକଙ୍କୁ କେନ୍ଦ୍ରାପଡ଼ା ଲୋକସଭା ଆସନ ପାଇଁ ପ୍ରାର୍ଥୀ କରିଛି ଦଳ ।

କେନ୍ଦ୍ରାପଡ଼ାରେ ଏଥର ମୁହାଁମୁହିଁ ହେବେ ବୈଜୟନ୍ତ ପଣ୍ଡା, ଅନୁଭବ ମହାନ୍ତି ଓ ଧରଣୀଧର ନାୟକ । ୧୯୯୮ରୁ କେନ୍ଦ୍ରାପଡ଼ାରେ ବିଜେଡ଼ି ନିଜର ଅସ୍ତିତ୍ୱ ଜାହିର କରିଆସିଛି । ୨୦୦୯ରୁ ବୈଜୟନ୍ତ ପଣ୍ଡା ଏହି ଆସନରୁ ନିର୍ବାଚିତ ହୋଇ ଆସୁଛନ୍ତି । ହେଲେ ଗତ କିଛି ମାସ ତଳେ ମନୋମାଳିନ୍ୟ ଯୋଗୁଁ ବୈଜୟନ୍ତ ପଣ୍ଡା ଦଳ ସହ ସମସ୍ତ ସମ୍ପର୍କ ତୁଟାଇ ବିଜେପିରେ ସାମିଲ ହୋଇଥିଲେ  ଆଉ ଚଳିତ ଥର ପାଇଁ ବୈଜୟନ୍ତ ପଣ୍ଡାଙ୍କୁ ପ୍ରାର୍ଥୀ କରିଛି ବିଜେପି । ଅନ୍ୟପଟେ ଅନୁଭବଙ୍କ ଲୋକପ୍ରିୟତା ବଳରେ ପୁଣି ଗଡ଼ ଅକ୍ତିଆର ଆଶାରେ ରହିଛି ଶାସକ ଦଳ । ଅନୁଭବଙ୍କ ଲୋକପ୍ରିୟତା ବଳରେ ପୁଣି ଥରେ କେନ୍ଦ୍ରାପଡ଼ା ଆସନ ହାତେଇବାକୁ ଯୋଜନା ପ୍ରସ୍ତୁତ କରିଛି ।

ବୈଜୟନ୍ତ ଓ ଅନୁଭବଙ୍କୁ କଡ଼ା ଟକ୍କର ଦେବା ପାଇଁ କଂଗ୍ରେସ ଧରଣୀଧର ନାୟକଙ୍କୁ ପ୍ରାର୍ଥୀ କରିଛି । ୨୦୧୪ରେ ନିର୍ବାଚନ ହାରିଥିଲେ ମଧ୍ୟ ଧରଣୀଧରଙ୍କ ଉପରେ ପୁଣି ଥରେ ଆସ୍ଥା କରିଛି ଦଳ ।  ୨୦୧୪ ନିର୍ବାଚନରେ ବୈଜୟନ୍ତ ପଣ୍ଡାଙ୍କ ଠାରୁ ପରାଜିତ ହୋଇଥିଲେ ଧରଣୀଧର । ବୈଜୟନ୍ତ ପଣ୍ଡାଙ୍କୁ ୬,୦୧,୫୭୪ ଭୋଟ ମିଳିଥିବା ବେଳେ ଧରଣୀଧରଙ୍କୁ ମିଳିଥିଲା ୩,୯୨,୪୬୬ ଭୋଟ । ତେବେ ଚଳିତ ନିର୍ବାଚନ ପାଇଁ ପୁଣି ଥରେ ଧରଣୀଧରଙ୍କୁ ସୁଯୋଗ ଦେଇଛି ଦଳ ।

ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. All India News Network says

    Shri.AnubhavMohanty is a good Biju Janata Dal Leader and hence he will Win the Kendrapara Constituency.In our State people will once again Elect Biju Janata Dal and our Honourable Chief Minister Shri.Naveen Patnaik will become Chief Minister once again.In Telengana State people have Voted for the Regional Political Party TRS and Honourable Shri.KCR became Chief Minister once again and in Andhra Pradesh also people will elect the Regional Political Party TDP and in West Bengal once again people will elect Trunamul.