ସମୁଦ୍ରକୂଳ ଝାଉଁବଣରେ ଝୁଲୁଛି ଯୁବକର ମୃତ ଦେହ
ପାରାଦୀପ: ଜଗତସିଂହପୁର ଜିଲ୍ଲାର ପାରାଦୀପ ସମୁଦ୍ରକୂଳ ଝାଉଁବଣରେ ଝୁଲୁଛି ଜଣେ ଯୁବକର ମୃତ ଦେହ | ଆଜି ସକାଳେ ଏକ ଝାଉଁ ଗଛରେ ଦଉଡ଼ିରେ ବନ୍ଧା ଯୁବକ ଝୁଲୁଥିବାର ସ୍ଥାନୀୟ ଲୋକ ଦେଖିବାକୁ ପାଇଥିଲେ। ସେମାନେ ଏ ସଂପର୍କରେ ପୁଲିସକୁ ଖବର ଦେଇଥିଲେ। ଏହାପରେ ଜଟାଧାରୀ ମୁହାଣ ଥାନା ପୁଲିସ୍ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ତଦନ୍ତ ଆରମ୍ଭ କରିଛି | ଏହା ହତ୍ୟା ନା ଆତ୍ମହତ୍ୟା ତାକୁ ନେଇ ପୁଲିସ୍ ଖୋଳତାଡ଼ କରୁଥିବା ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ମୃତ ଯୁବକଙ୍କର ପରିଚୟ ମିଳିଛି। ସେ ହେଲେ ନିକଟସ୍ଥ ନୂଆବଜାର ଅଞ୍ଚଳର ପ୍ରମୋଦ କମଳା | ତେବେ ସେ ଆତ୍ମହତ୍ୟା କରିଛନ୍ତି କି କିଏ ତାଙ୍କୁ ହତ୍ୟା କରିଛି, ତାହା ଜଣାପଡ଼ି ନାହିଁ | ଏହି ରିପୋର୍ଟ ପ୍ରସ୍ତୁତ ହେବା ବେଳକୁ ପ୍ରମୋଦଙ୍କ ପରିବାର ପକ୍ଷରୁ ଏହାକୁ ନେଇ କୌଣସି ଅଭିଯୋଗ ହୋଇ ନଥିବା ବେଳେ ଶବ ବ୍ୟବଚ୍ଛେଦ ପରେ ପ୍ରକୃତ ଘଟଣା ଜଣାପଡ଼ିବ ବୋଲି କୁହାଯାଉଛି | ଏହି ଘଟଣା ପାରାଦୀପରେ ଚର୍ଚ୍ଚାର ବିଷୟ ହୋଇଛି।