ବିଜେପି କାର୍ଯ୍ୟାଳୟ ସାମ୍ନାରେ ନମୋ ଷ୍ଟଲ୍‌

0

ଭୁବନେଶ୍ବର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲୋକପ୍ରିୟତାକୁ ନିର୍ବାଚନରେ ବ୍ୟବହାର କରିବାର କୌଣସି ସୁଯୋଗକୁ ବିଜେପି ହାତଛଡ଼ା କରିବାକୁ ଚାହୁଁ ନାହିଁ। ‘ମୋଦୀ ସରକାର-ଫିର୍ ଏକ ବାର୍’ ଏବଂ ‘ନମୋ ଏଗେନ୍’ କ୍ୟାମ୍ପେନ୍‌କୁ ଆହୁରି ଅଧିକ ତ୍ବରାନ୍ବିତ କିରବା ନିମନ୍ତେ ମୋଦୀ ପ୍ରଶଂସକଙ୍କ ପାଇଁ ବିଜେପି ରାଜ୍ୟ କାର୍ଯ୍ୟାଳୟ ସାମ୍ନାରେ ‘ନମୋ ଆପ୍ ମର୍ଚ୍ଚେଣ୍ଡାଇଜ୍’ ଷ୍ଟଲ୍‌ ଖୋଲାଯାଇଛି। ଏଥିରେ ବିଭିନ୍ନ ପ୍ରକାର ଟି ସାର୍ଟ, ଟୋପି, ଚାବି ରିଂ ଆଦି ସାମଗ୍ରୀ ଉପଲବ୍ଧ ହେବ। ଦଳୀୟ କାର୍ଯ୍ୟକର୍ତ୍ତାଙ୍କ ସମେତ ସାଧାରଣ ଲୋକ ଏହି ସାମଗ୍ରୀକୁ କିଣିପାରିବେ। ଏହି ସୁବିଧା ପୂର୍ବରୁ କେବଳ ଅନ୍‌ଲାଇନ୍ ମାଧ୍ୟମରେ ଉପଲବ୍ଧ ହେଉଥିଲା ବେଳେ ବର୍ତ୍ତମାନ ଏହା ଅଫ୍‌ଲାଇନ୍‌ରେ ମିଳିପାରିବ ବୋଲି ଦଳର ମୁଖପାତ୍ର ଗୋଲକ ମହାପାତ୍ର ସୂଚନା ଦେଇଛନ୍ତି। ଏହି ଷ୍ଟଲ୍‌ ଉଦ୍‌ଘାଟନ କାର୍ଯ୍ୟକ୍ରମରେ ବିଜେପି ନେତ୍ରୀ ଅପରାଜିତା ଷଡ଼ଙ୍ଗୀ, ଯୁବମୋର୍ଚ୍ଚା ରାଷ୍ଟ୍ରୀୟ ଉପସଭାପତି ଠାକୁର ରଣଜିତ ଦାଶ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜଗନ୍ନାଥ ପ୍ରଧାନ, ପିଙ୍କି ପ୍ରଧାନ, ପଞ୍ଚାନନ ନାୟକ ଓ ନମୋ ଆପ୍‌ ରାଜ୍ୟ ସଂଯୋଜକ କୃଷ୍ଣଚନ୍ଦ୍ର ସ୍ବାଇଁ ଉପସ୍ଥିତ ଥିଲେ।

ସମ୍ବନ୍ଧିତ ଖବର

Leave A Reply

Your email address will not be published.