ପଣସନସା: ଯମ ବି ପହଞ୍ଚି ପାରିବନି
ଅନୁଦାନ ମିଳିଥିଲେ ବି ରାସ୍ତା କାମ ଆରମ୍ଭ ହୋଇନି, ଆବାସ ଯୋଜନାରେ କାହାକୁ ମିଳିନି ଘର
କେନ୍ଦୁଝର : ଇଚ୍ଛା ଥିଲେ ବି ପହଞ୍ଚି ପାରିବନି ଉପର ପଣସନସା କି ପାଦରେ ଚାଲି ଚାଲି ଗଲେ ପହଞ୍ଚି ପାରିବନି । ଏତେ ଅପହଞ୍ଚ ଯେ ଅଜଣା ଲୋକ ଏହି ଗାଁକୁ ଗଲେ ବାଟ ଭୁଲି ଯିବା ଥୟ । କିମ୍ବା ଅଧା ରାସ୍ତାରୁ ଫେରି ଆସିବାକୁ ବାଧୢ ହେେବ । ଏଭଳି ଏକ ଅପହଞ୍ଚ ଗାଁ ହେଉଛି ଉପର ପଣସନସା। କେନ୍ଦୁଝର ଜିଲ୍ଲାର ଅପହଞ୍ଚ ଗାଁମାନଙ୍କ ମଧୢରେ ସବା ଆଗରେ ରହିଛି ପଣସନସା। କୁହାଯାଏ, ଯମ ବି ଏଠାରେ ପହଞ୍ଚି ପାରିବନି।
Sambad is now on WhatsApp
Join and get latest news updates delivered to you via WhatsApp
କେନ୍ଦୁଝର ଜିଲ୍ଲା ବା˚ଶପାଳ ବ୍ଲକ କୁଅଁର ପଞ୍ଚାୟତର ଏକ ଜୁଆଙ୍ଗ ଗାଁ ହେଉଛି ଉପର ପଣସନସା । କାଞ୍ଜିପାଣି ଘାଟିରୁ ପ୍ରାୟ ୬ କିଲୋମିଟର ପାହାଡ ଚଢ଼ି ଗଲେ ପଡେ ଏହି ଜୁଆଙ୍ଗ ଗାଁ । ଏହି ଗାଁକୁ ଯିବାକୁ ହେଲେ କାଞ୍ଜିପାଣି ଘାଟିରୁ ୩ଟି ପାହାଡ ଏବ˚ ୨ଟି ପାହାଡୀ ଝରଣା ପାର୍ ହେଲେ ଏହି ଗାଁ ପଡେ । କିନ୍ତୁ ଏହି ସୁଉଚ୍ଚ ପାହାଡ ଚଢ଼ିବା ଏବ˚ ଓହ୍ଲାଇବା ହିଁ ଏହି ଗାଁକୁ ଯିବାରେ ସବୁଠୁ ବାଧକ ସାଜିଛି । ଗମନା ଗମନ ଅବ୍ୟବସ୍ଥା ସହିତ ଶିକ୍ଷା କଥା ନ କହିଲେ ଭଲ। ଏଠାରେ ଜନ୍ମ ହେବା ଅର୍ଥ ପାଠରେ ଡୋରି ବାନ୍ଧିବା । ଯଦିଓ ଏଠାରେ ଏକ ପ୍ରାଥମିକ ବିଦ୍ୟାଳୟ ଅଛି । କିନ୍ତୁ ବିଦ୍ୟାଳୟ କେବଳ କାଗଜ ପତ୍ରରେ। ନା ବିଦ୍ୟାଳୟର ଘର ଅଛି ନା ବିଦ୍ୟାଳୟକୁ କେବେ ଶିକ୍ଷକ ଯାଆନ୍ତି । ବର୍ଷେକରେ କାଁ ଭାଁ କେବେ ଶିକ୍ଷକ ଜଣେ ନିଜ ଇଚ୍ଛାରେ ଯାଇ ଗାଁର ମୁଣ୍ତ ଘରେ ପିଲାମାନଙ୍କୁ ବସାଇ ଫେରି ଆସେ। ସେହିପରି ଶୈଶବ ବି ଅବହେଳିତ। ଏଠାରେ ଅଙ୍ଗନବାଡି ଘର ଖଣ୍ତେ ନାହିଁ । ଫଳରେ ଗାଁର ଅନାମ ଜୁଆଙ୍ଗଙ୍କ ଖପର ଘରେ କେବେ କେବେ ପିଲାମାନେ ବସିଥାନ୍ତି ।
ସବୁଠୁ ବଡ଼ ଦୁର୍ଭାଗ୍ୟ ହେଉଛି, ଏହି ଗାଁରେ କାହାରି ବି ଆବାସ ଯୋଜନାରେ ଘର ନାହିଁ । ଗ୍ରାମାଞ୍ଚଳ ଗୃହ ନିର୍ମାଣ ନେଇ ସରକାର ଯେତେ ପ୍ରକାର ଡିଣ୍ତିମ ପିଟିଲେ ବି ଏଠାରେ ରହୁଥବା ସବୁ ଜୁଆଙ୍ଗଙ୍କ ଘର ଭଙ୍ଗା ଖପର । କାହାର କାହାର ପାଲଟଙ୍ଗା ଘର । ସେହିପରି କାହାର ବାଡିରେ ବି ନାହିଁ ପାଇଖାନା। ଏଠି ସରକାରଙ୍କ ସ୍ବଚ୍ଛତା ଅଭିଯାନ ସ˚ପୂର୍ଣ୍ଣ ବିଫଳ ।
ଖାଲି ସେତିକି ନୁହେଁ, ସୌଭଗ୍ୟ ଯୋଜନାରେ ସମସ୍ତଙ୍କୁ ବିଜୁଳି ସ˚ଯୋଗ ମିଳୁଥିଲେ ବି ଏ ଗାଁ ଆଜି ଯାଏ ବି ରହିଛି ସ˚ପୂର୍ଣ୍ଣ ଅନ୍ଧାର । ତେବେ ଏହି ଗାଁର କୌଣସି ବିକାଶ ମୂଳକ କାମ ନ ହୋଇ ପାରିବାର ସବୁଠୁ ବଡ଼ କାରଣ ହେଉଛି ଯୋଗାଯୋଗ ଅବ୍ୟବସ୍ଥା ବୋଲି ‘ଗ୍ରାଉଣ୍ଡଜିରୋ’ରୁ ଜଣାପଡ଼ିଛି।