ପ୍ରଧାନମନ୍ତ୍ରୀ ମୋଦୀଙ୍କ ପରାମର୍ଶ ମାନିଲେ ରାଜ୍ୟବାସୀ; ନିଜ ଘର ସମ୍ମୁଖ ଓ ବାଲକୋନିରେ ଜାଳିଲେ ଦୀପ
ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପରାମର୍ଶକୁ ଦେଶବାସୀ ଗ୍ରହଣ କରିଛନ୍ତି । ସମଗ୍ର ଦେଶବାସୀଙ୍କ ସମେତ ଓଡ଼ିଶାବାସୀ ଆଜି ଘର ସମ୍ମୁଖ ଓ ବାଲକୋନିରେ ଦୀପ ଓ ଆଲୋକ ଜାଳିଛନ୍ତି । ରାଜଧାନୀ ଭୁବନେଶ୍ୱର, କଟକ, ବ୍ରହ୍ମପୁର, ସମ୍ବଲପୁର, ରାଉରକେଲା, ଭଦ୍ରକ, ବାରିପଦା, ଆଦି ସହରର ଲୋକମାନେ ନିଜ ପରିବାର ଲୋକଙ୍କ ସହିତ ମିଶି ବାଲକୋନି ଓ ନିଜ ଘର ସମ୍ମୁଖରେ ଛିଡା ହୋଇ ମହମବତୀ, ଦୀପ, ଟର୍ଚ୍ଚ ଲାଇଟ ଅଥବା ମୋବାଇଲ ଫ୍ଲାସ ଲାଇଟ ଜଳାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
#WATCH Odisha: People in a residential building in Bhubaneswar chanted ‘Gayatri Mantra’ after lighting earthen lamps. People across India switched off lights for 9 min at 9 PM today&lit a candle, ‘diya’, or flashlight, to mark India’s fight against #Coronavirus as per PM’s appeal pic.twitter.com/XGsCIySiel
— ANI (@ANI) April 5, 2020
ଏହା ପୂର୍ବରୁ ରାଜ୍ୟ ସରକାର ଏକ ଗାଇଡଲାଇନ ଜାରି କରିଥିଲେ । ଶକ୍ତି ବିଭାଗ ପକ୍ଷରୁ ଆଡଭାଇଜରିରେ କୁହାଯାଇଥିଲା ଯେ, ଘରର ମେନ ସୁଇଚ ବନ୍ଦ କରିବେ ନାହିଁ । ଏକ ଥରକେ ଲାଇଟ ସ୍ୱିଚ ବନ୍ଦ କରିବେ ନାହିଁ । ଅନ୍ୟ ଉପକରଣରେ ସ୍ୱିଚ ବନ୍ଦ କରିବେ ନାହିଁ । ସବୁ ସୁଇଚ ବନ୍ଦ କରିଦେଲେ ଗ୍ରିଡ ଉପରେ ପ୍ରଭାବ ପଡ଼ିପାରେ ।
ଏପ୍ରିଲ ୫ ରାତି ୯ଟା ବେଳେ ଲାଇଟ୍ ଅଫ୍ ସମ୍ବନ୍ଧୀୟ ଅନୁପାଳନ ସୂଚନା:
୧. ଫ୍ୟାନ୍, ଫ୍ରିଜ୍, ଏସି ଏବଂ ଟିଭି ଇତ୍ୟାଦି ଉପକରଣଗୁଡିକ ସ୍ବିଚ୍ ଅନ୍ ରହିବ।
୨. ହସ୍ପିଟାଲ୍, ପୋଲିସ, ପୌରସେବା ଇତ୍ୟାଦି ଜରୁରୀ କାର୍ଯ୍ୟରେ ଲାଇଟ୍ ଅଫ୍ ହେବ ନାହିଁ।
୩. ଷ୍ଟ୍ରିଟ୍ ଲାଇଟ୍ ଅନ୍ ରହିବ।
୪. ସମସ୍ତ ଲାଇଟ୍ ଅଫ୍ କରିବା ଆବଶ୍ୟକ ନାହିଁ। pic.twitter.com/MeG7mJ1NiT— I & PR Department, Odisha (@IPR_Odisha) April 5, 2020
ସୂଚନାଯୋଗ୍ୟ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ଦେଶବାସୀଙ୍କୁ ଭିଡିଓ ବାର୍ତ୍ତା ଜାରି କରିବା ସହ ନିବେଦନ କରିଥିଲେ ଯେ, ଆଗାମୀ ୫ ତାରିଖ ରାତି ୯ଟାରେ ୯ ମିନିଟ ପାଇଁ ଦୀପ ଜଲାନ୍ତୁ । ଏହି ଦୀପ ଜାଳିବା ଦ୍ୱାରା ଅନ୍ଧାର ଭିତରେ କରୋନାକୁ ମୁକାବିଲା କରିହେବ । ଦେଶର ୧୩୦ କୋଟି ଜନତା ମିଳିତ ଭାବେ ମହାଶକ୍ତିର ଜାଗରଣ କରନ୍ତୁ ଓ ଆମର ସଂକଳ୍ପ ନିଅନ୍ତୁ ବୋଲି ମୋଦୀ କହିଥିଲେ ।
ପ୍ରଧାନମନ୍ତ୍ରୀ ମୋଦୀ କହିଥିଲେ ଏପ୍ରିଲ ୫ ତାରିଖ ରାତି ୯ଟାରେ ୯ ମିନିଟ ପାଇଁ ଘରର ସବୁ ଲାଇଟ ବନ୍ଦ କରି ଘର ସମ୍ମୁଖରେ ହେଉ କି ବାଲକୋନିରେ ଛିଡା ହୋଇ ମହମବତୀ, ଦୀପ, ଟର୍ଚ୍ଚ ଲାଇଟ ଅଥବା ମୋବାଇଲ ଫ୍ଲାସ ଲାଇଟ ଜଳାନ୍ତୁ । ଚାରିପାଶ୍ୱର୍ରୁ ଯେତେବେଳେ ଆଲୋକ ଆସିବ ମହାଶକ୍ତି ଅନୁଭବ ହେବ । ଏହି ଆଲୋକ ମାଧ୍ୟମରେ ଆମେ କେବଳ ଏକାକୀ ସଂକଳ୍ପ ନେଲେ ଚଲିବ ନାହିଁ । ଏଥିପାଇଁ ଦେଶର ୧୩୦ କୋଟି ଦେଶବାସୀଙ୍କୁ ସଂକଳ୍ପ ନେବାକୁ ହେବ ।