ପୁରୁଣା ଭୁବନେଶ୍ୱର : ଲ୍ୟାପ୍ଟପ୍ ଚୋରି, ତିନି ଗିରଫ
ପୁରୁଣା ଭୁବନେଶ୍ୱର : ଏୟାରପୋର୍ଟ ଥାନା ଅଧୀନ କାଳୁନନ୍ଦ ନଗରରୁ ଲ୍ୟାପ୍ଟପ୍ ଚୋରି କରିବା ଓ କିଣିବା ଅଭିଯୋଗରେ ତିନି ଜଣଙ୍କୁ ପୁଲିସ ଗିରଫ କରିଛି। ଗିରଫ ଯୁବକମାନେ ହେଲେ ବାଙ୍କି ଥାନା ଅଧିନ ସହଦପଡ଼ାର ଦେବ ଓରଫ ଦେବାଶିଷ ଗାନ୍ଥିଆ(୧୯), ସହିଦନଗର ଥାନା ଅଧୀନ ଭିଏସ୍ଏସ୍ ନଗର ତାରିଣୀ ବସ୍ତିର ଶଙ୍କର ନାୟକ(୨୦) ଓ ମଞ୍ଚେଶ୍ବର ଥାନା ଅଧିନ ରସୁଲଗଡ଼ ସାଇ ନଗରର ବାବୁ ଓରଫ ସଞ୍ଜୀବନ ନାୟକ(୩୧)।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂଚନା ଅନୁଯାୟୀ କାଳୁନ୍ଦନଗରରେ ରହୁଥିବା ସୁଶାନ୍ତ କୁମାର ଷ୍ଟ୍ରାଙ୍ଗୀଙ୍କ ଘର ହତାରେ ପଶି ଝରକା ଭାଙ୍ଗି ଶଙ୍କର ଓ ଦେବ ତିନୋଟି ଲ୍ୟାପଟପ୍ ଚୋରି କରିଥିଲେ। ସେମାନେ ବାବୁକୁ ଏହି ଚୋରି ସାମଗ୍ରୀ ବିକ୍ରି କରିଥିଲେ। ଏହି ଘଟଣା ନେଇ ଥାନାରେ ଅଭିଯୋଗ ପରେ ପୁଲିସ ତିନି ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।