ଡାକ୍ତରଙ୍କ ସଚେତନତା ଭିଡିଓ ୧୦ ଲକ୍ଷ ଲୋକ ଦେଖିଲେଣି
ଭୁବନେଶ୍ବର : ଅଭିଜ୍ଞ ପେଟ ଓ ଲିଭର୍ ରୋଗ ବିଶେଷଜ୍ଞ ଡାକ୍ତର ଆଶୁତୋଷ ମହାପାତ୍ରଙ୍କ ‘ଆଉ ରହିବନି ଏସିଡିଟି ଓ ଗ୍ୟାଷ୍ଟ୍ରିକ୍ ସମସ୍ୟା’ ଶୀର୍ଷକ ଭିଡିଓକୁ ୟୁଟ୍ୟୁବ୍ରେ ବର୍ତ୍ତମାନ ସୁଦ୍ଧା ୧୦ ଲକ୍ଷରୁ ଅଧିକ ଦର୍ଶକ ଦେଖିସାରିଲେଣି। ଉକ୍ତ ଭିଡିଓଟି ପ୍ରିକସନ୍ ଫର ହେଲ୍ଥ ନାମକ ୱେବ୍ ଚ୍ୟାନେଲରେ ଫେବ୍ରୁଆରି ୨୦୧୯ରେ ଅପ୍ଲୋଡ୍ ହୋଇଥିଲା। ଏ ସଂପର୍କରେ ଡାକ୍ତର ମହାପାତ୍ର କୁହନ୍ତି ଆଜିର ବ୍ୟସ୍ତବହୁଳ ଦିନଚର୍ଯ୍ୟା ଯୋଗୁ ଏସିଡିଟି ଏବଂ ଗ୍ୟାସଟିକ୍ ସମସ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏହାକୁ ଦୃଷ୍ଟିରେ ରଖି ସାଧାରଣ ଲୋକ ବୁଝିପାରିବା ଭଳି ଭାଷାରେ ଏହି ଭିଡିଓଟିକୁ ପ୍ରସ୍ତୁତ କରିଥିଲୁ।