ଆସନ୍ତା ବର୍ଷ ବଜାରରୁ କିଣିପାରିବେ ରୋବର୍ଟ କୁକୁର
ନ୍ୟୁୟର୍କ : ଆସନ୍ତା ବର୍ଷ ବଜାରକୁ ଆସିବ ଏକ ଅଦ୍ଭୁତ ସାମଗ୍ରୀ । ଏକ ରୋବର୍ଟ କୁକୁର । ଏହାକୁ ଆପଣ ସାଙ୍ଗରେ ବୁଲାଇ ନେଇପାରିବେ । ପାହାଚ ଚଢିପାରିବ । ଛୋଟିଆ ମୋଟିଆ ଘର ବା ଅଫିସ କାମ କରିପାରିବ । ଏହାର ନାଁ ହେଉଛି ସ୍ପଟମିନି । ସ୍ପଟମିନିର ୪ଟି ଗୋଡ ରହିଛି । ଏହାର ଓଜନ ୩୦ କିଲୋ ଓ ଏହା ପ୍ରାୟ ୧୫ କିଲୋ ପର୍ଯ୍ୟନ୍ତ ସାମଗ୍ରୀ ଉଠାଇ ନେବା ଆଣିବା କରିପାରିବ । ଏହାର ଆଗ ପଛ, ଦୁଇ ପାର୍ଶ୍ୱରେ କ୍ୟାମେରା ଓ ସେନସର ଲାଗିଛି ଫଳରେ ଏହା ସବୁ ପାଖର ଫଟୋକୁ ମିଶାଇ ଏକ ଥ୍ରୀ-ଡି ଭିଉ ଦେଖିଥାଏ ଓ ଆର୍ଟିଫିସିଆଲ ଇଣ୍ଟେଲିଜେନ୍ସ ବ୍ୟବହାର କରି ନିଜେ ନିଷ୍ପତ୍ତି ନେଇଥାଏ ।
Sambad is now on WhatsApp
Join and get latest news updates delivered to you via WhatsApp
ଏହାକୁ ପ୍ରସ୍ତୁତ କରିଛି ବୋଷ୍ଟନ ଡାଇନାମିକ୍ସ ନାମକ ଆମେରିକୀୟ କମ୍ପାନି ଯାହାକି ଗତ ୨୬ ବର୍ଷ ଧରି ରୋବୋଟିକ୍ସ କ୍ଷେତ୍ରରେ କାମ କରିଆସୁଛି । ଆସନ୍ତା ବର୍ଷ ଆରମ୍ଭରେ ବ୍ୟବସାୟିକ ଭିତ୍ତିରେ ଏହି ସ୍ପଟମିନି ରୋବୋର୍ଟକୁ ବଜାରକୁ ଛାଡିବାକୁ କମ୍ପାନି ଘୋଷଣା କରିଛି । ନିକଟରେ ଆମାଜନ ମୁଖ୍ୟ ଜେଫ ବେଜସ ଏହାକୁ ଧରି ବୁଲୁଥିବାର ଏକ ଫୋଟ ସେୟାର କରିଥିଲେ । ଆଗାମୀ ଦିନରେ ଏହି ରୋବୋର୍ଟକୁ ଆହୁରି ଅନେକ କାମରେ ବ୍ୟବହାର ଉପଯୋଗୀ କରିବାକୁ କମ୍ପାନି ଉଦ୍ୟମ ଜାରି ରଖିଛି ।