ଭୁବନେଶ୍ୱର: ଜିଓ ପକ୍ଷରୁ ସ୍ୱାଧୀନତା ଦିବସ ଅବସରର ବିଭିନ୍ନ ଅଫର ଘୋଷଣା କରାଯାଇଛି। ଏଥିରେ ସାମିଲ ରହିଛି ହର ଘର ତ୍ରିରଙ୍ଗା, ହର ଘର ଜିଓଫାଇବର ଅଭିଯାନ, ୨୯୯୯ ଟଙ୍କା ରିଚାର୍ଜ ପ୍ଲାନ୍ରେ ୩୦୦୦ ଟଙ୍କା ମୂଲ୍ୟର ଲାଭର ଜିଓ ସ୍ୱାଧୀନତା ଦିବସ ଅଫର ଏବଂ ୭୫୦ ଟଙ୍କାରେ ଏକ ସ୍ୱତନ୍ତ୍ର ୯୦ ଦିନିଆ ଅସୀମିତ ପ୍ଲାନ୍। ଅଗଷ୍ଟ ୧୨ରୁ ୧୬ ତାରିଖ ମଧ୍ୟରେ ଜିଓଫାଇବର୍ ପୋଷ୍ଟପେଡ୍ ମନୋରଂଜନ ବୋନାଞ୍ଜା ପ୍ଲାନ୍ ସହ ଯେଉଁମାନେ ଏକ ନୂଆ ଜିଓଫାଇବର ସଂଯୋଗ କିଣିବେ ସେମାନଙ୍କ ପାଇଁ ହର ଘର ତ୍ରିରଙ୍ଗା, ହର ଘର ଜିଓ ଫାଇବର ଉପଲବ୍ଧ ହେବ। ଜିଓ ସ୍ୱାଧୀନତା ଦିବସ ଅଫରରେ ରହିଛି ଅତିରିକ୍ତ ୭୫ ଜିବିର ହାଇ ସ୍ପିଡ୍ ଡାଟା, ଆଇକ୍ସିଗୋ, ନେଟ୍ମେଡ୍ସ ଓ ଆଜିଓର ରିହାତି କୁପନ୍ ଭାବେ ୩୦୦୦ ଟଙ୍କା ମୂଲ୍ୟର ଅତିରିକ୍ତ ଲାଭ। ୨୯୯୯ ଟଙ୍କିଆ ପ୍ଲାନ୍ରେ ମିଳୁଥିବା ଦୈନିକ ୨.୫ ଜିବି ହାଇ ସ୍ପିଡ୍ ଡାଟା, ଡିଜ୍ନି+ହଟ୍ଷ୍ଟାର୍ର ମାଗଣା ଏକ ବର୍ଷିଆ ମୋବାଇଲ୍ ସବ୍ସ୍କ୍ରିପ୍ସନ୍, ମାଗଣା ଅସୀମିତ ଭଏସ୍ କଲ୍, ଦୈନିକ ୧୦୦ ଏସ୍ଏମ୍ଏସ୍ ଓ ଜିଓ ଆପ୍ର ମାଗଣା ସବ୍ସ୍କ୍ରିପନ୍ ବାଦ ଏହି ଲାଭ ମିଳିବ। ନୂଆ ୭୫୦ ଟଙ୍କିଆ ଅସୀମିତ ପ୍ଲାନ୍ରେ ୯୦ ଦିନର ବୈଧତା ରହିଛି ଓ ଅସୀମିତ ଡାଟା-ଦୈନିକ ୨ ଜିବିର ହାଇସ୍ପିଡ୍ ଡାଟା ପରେ ୬୪ କେବିପିଏସ୍ର ଅସୀମିତ ଡାଟା, ଅସୀମିତ ଭଏସ୍ କଲ୍, ଦୈନିକ ୧୦୦ ଏସ୍ଏମ୍ଏସ୍, ଜିଓ ଆପ୍ର ମାଗଣା ସବ୍ସ୍କ୍ରିପ୍ସନ୍ ଏବଂ ଅତିରିକ୍ତ ୧୦୦ ଏମ୍ବି ହାଇସ୍ପିଡ୍ ଡାଟା ସମେତ ଏକ ସାମଗ୍ରିକ ଲାଭର ପ୍ୟାକେଜ୍ ଏହା ପ୍ରଦାନ କରୁଛି ।