ଜନସନ୍ ଆଣ୍ଡ୍ ଜନସନ୍ ସାମ୍ପୁ ଉପରେ ଲାଗିଲା ରୋକ, ଏନ୍ସିପିଆର୍ ଜାରି କଲା ନୋଟିସ୍
ନୂଆଦିଲ୍ଲୀ: ଆମେରିକାର ବେବି ପ୍ରଡକ୍ଟ ପ୍ରସ୍ତୁତ କରୁଥିବା ଜନସନ୍ ଆଣ୍ଡ୍ ଜନସନ୍ କମ୍ପାନି ବିବାଦ ଘେରକୁ ବାହାରିବାକୁ ଚେଷ୍ଟା କଲେ ମଧ୍ୟ ବାହାରିପାରୁନାହିଁ। ରାଷ୍ଟ୍ରୀୟ ବାଳ ଅଧିକାର ସଂରକ୍ଷଣ ଆୟୋଗ (ଏନସିପିସିଆର) ବାଳ ଅଧିକାର ସହ ଜଡିତ ଥିବା ଶୀର୍ଷ ସଂଗଠନରେ ଅଧିକାରୀଙ୍କୁ ଜନସନ୍ ଆଣ୍ଡ୍ ଜନସନ୍ ବେବି ସାମ୍ପୁ ,ପାଉଡରର ନମୂନାର ଜାଞ୍ଚ୍ର ରିପୋର୍ଟ ମାଗୁଛନ୍ତି। ଏହା ସହ ଏନସିପିସିଆର ରାଜସ୍ଥାନର ଡ୍ରଗ୍ କଣ୍ଟ୍ରୋଲର୍ର ରିପୋର୍ଟ ଆଧାରରେ ଏକ ନିର୍ଦ୍ଦେଶ ଜାରି କରି ସବୁ ରାଜ୍ୟ ତଥା କେନ୍ଦ୍ର ଶାସିତ ପ୍ରଦେଶର ମୁଖ୍ୟ ସଚିବଙ୍କୁ ଏନେଇ ପତ୍ର ଲେଖି ସାମ୍ପୁ ବିକ୍ରି ଉପରେ ଆଗାମୀ ନୋଟିସ୍ ପର୍ଯ୍ୟନ୍ତ ବିକ୍ରି ରୋକିବା ଏବଂ ବଜାରରୁ ଏହି ପ୍ରଡକ୍ଟର ସବୁ ସାମଗ୍ରୀ ହଟାଇବା ପାଇଁ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ତେବେ ଜନସନ୍ ଆଣ୍ଡ୍ ଜନସନ୍ କମ୍ପାନି ଏ ନେଇ ସାମ୍ପୁ ସୁରକ୍ଷିତ ଏବଂ ନିୟାମକ ମାନକ ସହ ଅନୂକୁଳ ଥିବା କଥା କହିଆସିଛି। କିନ୍ତୁ ଏବେ ସାମ୍ପୁ ସହ ପାଉଡର ମଧ୍ୟ ସନ୍ଦେହ ଘେରକୁ ଚାଲିଆସିଛି। ତେଣୁ ଏନସିପିସିଆର ରାଜସ୍ଥାନର ଡ୍ରଗ୍ କଣ୍ଟ୍ରୋଲର୍ର ଅଧିକାରୀଙ୍କୁ ବେବି ପାଉଡରର ନମୂନା ଯାଞ୍ଚ୍ କରିବା ପାଇଁ ରିପୋର୍ଟ ଦାଖଲ କରିବାକୁ କହିଛନ୍ତି। ପୂର୍ବରୁ ଡ୍ରଗ୍ କଣ୍ଟ୍ରୋଲର୍ର ରିପୋର୍ଟରେ ପାଉଡରରେ କ୍ୟାନସର କରାଉଥିବା ତତ୍ତ୍ୱ ମିଳିଥିଲା ତେଣୁ ଏବେ ଏହା ପୁଣି ସନ୍ଦେହ ଘେରକୁ ଚାଲିଆସିଛି।