ଟେସ୍ଲାର ୪୪ ଲକ୍ଷ ସେୟାର ବିକିଲେ ମସ୍କ
ନୂଆଦିଲ୍ଲୀ: ଟ୍ବିଟରକୁ କିଣିବା ଲାଗି ଟେସ୍ଲା ମାଲିକ ଏଲନ୍ ମସ୍କ ଘୋଷଣା କରି ସାରିଛନ୍ତି। ଟ୍ବିଟରକୁ ୪୪ ବିଲିଅନ ଡଲାରରେ କିଣିବା ଲାଗି ରାଜିନାମା ହୋଇଛି। ଆମେରିକାର ସିକ୍ୟୁରିଟି ଆଣ୍ଡ୍ ଏକ୍ସଚେଞ୍ଜ କମିସନକୁ ଦିଆଯାଇଥିବା ରିପୋର୍ଟ ଅନୁଯାୟୀ, ଏଲନ୍ ମସ୍କ ଗତ ୨୬ ଓ ୨୭ ତାରିଖରେ ଟେସ୍ଲାର ୪୪ ଲକ୍ଷ ସେୟାର ବିକ୍ରି କରିଛନ୍ତି। ଏହାକୁ ଟ୍ବିଟର କ୍ରୟ ସହିତ ଯୋଡ଼ାଯାଇ ଦେଖାଯାଉଛି। ଗତ ୨୫ ତାରିଖରେ ଟେସ୍ଲା ଏବଂ ଟ୍ବିଟର ମଧ୍ୟରେ କ୍ରୟ ରାଜାନାମା ହୋଇଥିଲା। ଏହାପରେ ୨୬ ଓ ୨୭ ତାରିଖରେ ମସ୍କ ଟେସ୍ଲାର ସେୟାର ବିକ୍ରି କରିଛନ୍ତି। ଟେସ୍ଲାର ୪୪ ଲକ୍ଷ ସେୟାରର ମୂଲ୍ୟ ପାଖାପାଖି ୪୦୦ କୋଟି ଡଲାର ହେବ। ତେବେ ଆଗାମୀ ଦିନରେ ଟେସ୍ଲାର ଆଉ ଅଧିକ ସେୟାର ବିକିବା ଯୋଜନା ନାହିଁ ବୋଲି ମସ୍କ କହିଛନ୍ତି।