ଓମିକ୍ରନ ଆତଙ୍କ : ମାସେ ପାଇଁ ସାରା ବିଶ୍ବରେ ଥିବା ନିଜର ଅଫିସଗୁଡ଼ିକୁ ବନ୍ଦ କରିବ ଓ୍ବିପ୍ରୋ
ବେଙ୍ଗାଲୁରୁ : ସମଗ୍ର ବିଶ୍ବରେ ଓମିକ୍ରନ ସଂକ୍ରମଣ ଦ୍ରୁତ ଗତିରେ ବୃଦ୍ଧି ପାଇବା ପରେ ଆଇଟି କମ୍ପାନିମାନେ ନିଜ ନିଜର ଅଫିସ ବନ୍ଦ କରିବା ସହ ଘରୁ କାମ କରିବା ଉପରେ ପୁଣି ଗୁରୁତ୍ବ ଦେଉଛନ୍ତି । ଭାରତୀୟ ଆଇଟି କମ୍ପାନି ଓ୍ବିପ୍ରୋ ପକ୍ଷରୁ ଆଜି କୁହାଯାଇଛି ଯେ, ଆସନ୍ତା ଚାରି ସପ୍ତାହ ପାଇଁ ସାରା ବିଶ୍ବରେ ଥିବା ନିଜର ଅଫିସଗୁଡ଼ିକୁ ବନ୍ଦ କରିବାକୁ ନିଷ୍ପତ୍ତି ନେଇଛି । ଚାରି ସପ୍ତାହ ପରେ କୋଭିଡ୍ ପରିସ୍ଥିତି ଅନୁସାରେ ପରବର୍ତ୍ତୀ କାର୍ଯ୍ୟପନ୍ଥା ଗ୍ରହଣ କରାଯିବ ବୋଲି କମ୍ପାନିର ସିଇଓ ଥିଏରି ଡେଲାପୋର୍ଟ ସୂଚନା ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
କୋଭିଡ୍ ମହାମାରୀକୁ ଦୃଷ୍ଟିରେ ଦେଶର ପ୍ରମୁଖ ଆଇଟି କମ୍ପାନି ଯେପରିକି ଟିସିଏସ, ଇନଫୋସିସ, ଓ୍ବିପ୍ରୋ, କଗନିଜାଣ୍ଟ, ଏଚସିଏଲ ଆଦି ଗତ ପ୍ରାୟ ୧ ବର୍ଷ ହେବ ରିମୋଟ ଓ୍ବାର୍କିଂ ବା ଘରୁ କାମ କରିବା ଉପରେ ଗୁରୁତ୍ବ ଦେଉଛନ୍ତି । ତେବେ ୨୦୨୧ ଶେଷ ବେଳକୁ କୋଭିଡ ସଂକ୍ରମଣ କମିବା ଡିସେମ୍ବର ବେଳକୁ ପରେ ପୁଣି ଅଫିସ ଖୋଲିବାକୁ ଏହି କମ୍ପାନିମାନେ ଯୋଜନା କରିଥିଲେ । କିନ୍ତୁ ପୁଣି ସଂକ୍ରମଣ ବଢିବା ପରେ ରିମୋଟ ଓ୍ବାର୍କିଂକୁ ବଢେଇ ଦିଆଯାଇଛି । ଗତ ମାସରେ ଟିସିଏସ କହିଥିଲା ଯେ ଏହାର ମାତ୍ର ୧୦ ପ୍ରତିଶତ କର୍ମଚାରୀ ଅଫିସକୁ ଆସି କାମ କରୁଛନ୍ତି । କର୍ମଚାରୀଙ୍କ ସ୍ବାସ୍ଥ୍ୟ ଓ ନିରାପତ୍ତା ଦୃଷ୍ଟିରୁ ଏପରି ପଦକ୍ଷେପ ନିଆଯାଇଛି ବୋଲି କମ୍ପାନି କହିଥିଲା ।