ୟେସ୍ ବ୍ୟାଙ୍କ ସଂକଟ : ପ୍ରଭାବିତ ହେଲା ‘ଫୋନପେ’ ସେବା
ନୂଆଦିଲ୍ଲୀ : ଆର୍ଥିକ ସଂକଟରେ ପଡ଼ିଥିବା ୟେସ ବ୍ୟାଙ୍କକୁ ରିଜର୍ଭ ବ୍ୟାଙ୍କ ପକ୍ଷରୁ ନିଜ ନିୟନ୍ତ୍ରଣକୁ ନେଇଯିବା ପରେ ମାସକ ପାଇଁ ବ୍ୟାଙ୍କିଙ୍ଗ୍ କାରବାର ଉପରେ କଟକଣା ଲଗାଇଛନ୍ତି । କେବଳ ଜମାକାରୀମାନେ ଏହି ୧ ମାସ ମଧ୍ୟରେ ସର୍ବାଧିକ ୫୦ ହଜାର ଟଙ୍କା ଉଠାଇପାରିବେ । ତେବେ ଏହି କଟକଣା ଲାଗିବା ପରେ ପେମେଣ୍ଟ ବ୍ୟାଙ୍କ୍ ‘ଫୋନପେ’ର ସେବା ଗୁରୁତରଭାବେ ପ୍ରଭାବିତ ହୋଇଛି । ୟେସ ବ୍ୟାଙ୍କ ‘ଫୋନପେ’ର ବୃହତ୍ତମ ବ୍ୟାଙ୍କିଙ୍ଗ୍ ପାର୍ଟନର ଥିବାରୁ ଏପରି ହୋଇଛି ବୋଲି ଫୋନପେର ସହ-ପ୍ରତିଷ୍ଠାତା ସମୀର ନିଗମ କହିଛନ୍ତି । ତେବେ ଯଥାଶୀଘ୍ର ସେବା ପୁଣି ଆରମ୍ଭ କରିବାକୁ ଉଦ୍ୟମ କରାଯାଉଛି ବୋଲି ସେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
Dear @PhonePe_ customers. We sincerely regret the long outage. Our partner bank (Yes Bank) was placed under moratorium by RBI. Entire team’s been working all night to get services back up asap. We hope to be live in a few hours. Thanks for your patience. Stay tuned for updates!
— Sameer.Nigam (@_sameernigam) March 6, 2020
ଗତକାଲି ରିଜର୍ଭ ବ୍ୟାଙ୍କ ୟେସ ବ୍ୟାଙ୍କର ବୋର୍ଡ ଅଫ ଡାଇରେକ୍ଟର୍ସକୁ ଭାଙ୍ଗିଦେବା ସହ ଜମାକାରୀଙ୍କ ପାଇଁ ମାସିକ ଜମା ଉଠାଣକୁ ୫୦ହଜାର ଟଙ୍କା ମଧ୍ୟରେ ସୀମିତ ରଖିଛନ୍ତି । ଏହା ସହିତ ବ୍ୟାଙ୍କ କୌଣସି ନୂଆ ଋଣ ଦେଇପାରିବେ ନାହିଁ କିମ୍ବା ନୂଆ ନିବେଶ କରିପାରିବେ ନାହିଁ । ୟେସ ବ୍ୟାଙ୍କର ପରିଚାଳନା ପାଇଁ ରିଜର୍ଭ ବ୍ୟାଙ୍କ ଏସବିଆଇର ପୂର୍ବତନ ମୁଖ୍ୟ ଅର୍ଥ ଅଧିକାରୀ ପ୍ରଶାନ୍ତ କୁମାରଙ୍କୁ ପ୍ରଶାସକ ନିଯୁକ୍ତ କରିଛି । ମାସକ ମଧ୍ୟରେ ୟେସ ବ୍ୟାଙ୍କର ପୁନର୍ଗଠନ କରିବାକୁ ଉଦ୍ୟମ କରାଯାଉଛି ଯଦ୍ୱାରା କି ଜମାକାରୀ ଓ ୟେସବ୍ୟାଙ୍କ କର୍ମଚାରୀଙ୍କ ସ୍ୱାର୍ଥ ରକ୍ଷା କରାଯାଇପାରିବ ବୋଲି ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ।