ଅସଦାଚରଣ ଉଦ୍ୟମ କରିବାରୁ ଦୁଇ ଦୁର୍ବୃତ୍ତଙ୍କୁ ଚପଲରେ ପିଟିଲେ ମହିଳା
ହୁବ୍ଲୀ : ଆଜିକାଲି ଦୁଷ୍କର୍ମକାରୀ ଏବଂ ଅସଦାଚରଣକାରୀଙ୍କ ସଂଖ୍ୟା ବଢ଼ିବାରେ ଲାଗିଛି । କେଉଁଠି ୩ ବର୍ଷର ଶିଶୁକୁ ତ ଆଉ କେଉଁଠି ୩୫ ବର୍ଷିୟ ମହିଳାଙ୍କୁ ଦୁଷ୍କର୍ମ ଓ ଅସଦାଚରଣ କରାଯାଉଛି । ଏତେ ଆଇନ ପ୍ରଣୟନ ହୋଇ ମଧ୍ୟ ଏହାକୁ ରୋକାଯାଇ ପାରୁ ନାହିଁ । ତେବେ କର୍ଣ୍ଣାଟକର ହୁବ୍ଲିରେ ଘଟିଥିବା ଘଟଣା ପରେ ବୋଧହୁଏ କେହି କେଉଁ ମହିଳାଙ୍କୁ ଏକୁଟିଆ ଦେଖି ଅସଦାଚରଣ କରିବାର ସାହାସ କରିବେ ନାହିଁ । ହୁବ୍ଲିରେ ଘଟିଥିବା ଘଟଣା ପରେ ସମସ୍ତେ ମହିଳାଙ୍କର ସାହସିକତାକୁ ପ୍ରଶଂସା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରବିବାର ରାତିରେ ଜଣେ ୫୫ବର୍ଷିୟ ମହିଳା ତାଙ୍କ ଘରକୁ ଯିବା ପାଇଁ ହୁବ୍ଲିରେ ବସକୁ ଅପେକ୍ଷା କରିଥିଲେ । ଏହି ସମୟରେ ଦୁଇ ଜଣ ଦୁର୍ବୃତ୍ତ ଆସି ମହିଳାଙ୍କ ପଛରେ ଛିଡ଼ା ହୋଇଥିଲେ । ରାତି ବଢ଼ିବା ସହ କିଛି ସମୟ ପରେ ଲୋକସଂଖ୍ୟା କମିବା ପରେ ଦୁଇ ଦୁର୍ବୃତ୍ତ ମହିଳାଙ୍କୁ ଅସଦାଚରଣ କରିବା ଆରମ୍ଭ କରିଥିଲେ । କିଛି ସମୟ ଦୁଇ ଜଣଙ୍କର ଅସଦାଚରଣକୁ ସହ୍ୟ କରିବା ପରେ ମହିଳା ଜଣଙ୍କ ତାଙ୍କ ଚପଲ ଖୋଲି ଦୁଇ ଜଣଙ୍କୁ ସର୍ବସମ୍ମୁଖରେ ମାଡ଼ ମାରିବା ଆରମ୍ଭ କରିଥିଲେ । ମାଡ଼ ଖାଇବା ପରେ ଦୁଇ ଜଣ ଦୁର୍ବୃତ୍ତ ଘଟଣାସ୍ଥଳରୁ ଦୌଡ଼ି ପଳାଇଥିଲେ । ଏ ପର୍ଯ୍ୟନ୍ତ ଏ ନେଇ କୌଣସି ଏତଲା ଦିଆ ଯାଇ ନାହିଁ ବୋଲି ସୂଚନା ମିଳିଛି ।