ଗାଡ଼ିରୁ ନ ବାହାରିଲେ ତୁମ ପୋଷାକ ଚିରି ଦେବି ବୋଲି ମହିଳାଙ୍କୁ ଧମକ ଦେଲେ ଉବର ଚାଳକ, ତା’ ପରେ ଘଟିଲା ଏଭଳି ଘଟଣା
ନୂଆଦିଲ୍ଲୀ : ବେଙ୍ଗାଲୁରୁରେ ଜଣେ ମହିଳା ଉବର ଚାଳକଙ୍କ ଦ୍ୱାରା ଅସଦାଚରଣର ଶିକାର ହୋଇଥିବା ଜଣାପଡ଼ିଛି । ମହିଳାଜଣଙ୍କ ନିଜ ସହକର୍ମୀଙ୍କ ସହ ରାତ୍ରି ଭୋଜନ ସାରି ଫେରୁଥିବା ବେଳେ ତାଙ୍କ ସହ ଏଭଳି ଘଟଣା ଘଟିଥିଲା । ଚାଳକ ଜଣଙ୍କ, ଗାଡ଼ିରୁ ବାହାରି ଯାଅ ନହେଲେ ତୁମ ପୋଷାକ ଚିରି ଦେବି ବୋଲି କହି ଧମକ ଦେଇଥିଲେ । ଏବେ ପୀଡ଼ିତା ଫେସ୍ବୁକ୍ରେ ଏକ ପୋଷ୍ଟ କରି ଜଣାଇବା ପରେ ଖବରଟି ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ପୀଡ଼ିତା ଅପର୍ଣ୍ଣା କରିଥିବା ପୋଷ୍ଟ ଅନୁଯାୟୀ, ମୁଁ ମୋ ସହକର୍ମୀଙ୍କ ସହ ରାତ୍ରି ଭୋଜନ ସାରି ଘରକୁ ଫେରିବା ପାଇଁ ଏକ ଉବର କ୍ୟାବ୍ ବୁକ୍ କରିଥିଲି । କ୍ୟାବ୍ରେ ବସିବା ପରେ ଚାଳକଜଣଙ୍କ ନିଜ ବନ୍ଧୁ ସହ କଥା ହେଉଥିଲେ । ହଠାତ୍ ସେ ମୋ ଆଡ଼କୁ ଦେଖି, ଜଣେ ଶିକ୍ଷିତ ମହିଳା ହିସାବରେ ସଂନ୍ଧ୍ୟା ୭ଟାରେ ଅଫିସରୁ ବାହାରିବା ଦରକାର । ଏମିତି ସାଙ୍ଗମାନଙ୍କ ସହ ମଦ ପିଇବା କଥା ନୁହେଁ ବୋଲି କହିଥିଲେ । ଏହା ପରେ, ମୁଁ ପିଇ ନାହିଁ । ଆପଣ ଆପଣଙ୍କ କାମ କରନ୍ତୁ ବୋଲି ମୁଁ ତାଙ୍କୁ କହିଥିଲି । ମୋ କଥା ଶୁଣି ସେ ନିଜ ସାଙ୍ଗ ସହ କଥା ହେବା ସହ ମୋତେ ନେଇ ଅପଶବ୍ଦ ବ୍ୟବହାର କରିଥିଲେ । କିଛି ବାଟ ଯିବା ପରେ ସେ କ୍ୟାବ୍ର ଗତି କମାଇ ଦେବା ଦେଖି ମୁଁ ଡ଼ରି ଯାଇଥିଲି । ଡ଼ରରେ ମୁଁ ଉବରର ସେଫ୍ଟି ବଟନ ଦବାଇବା ପରେ ଉବରର କଷ୍ଟମର କେୟାରଙ୍କ ଫୋନ ଆସିଥିଲା । କିନ୍ତୁ ସେ ମୋତେ ଫୋନ କରିବା ପରିବର୍ତ୍ତେ ଚାଳକକୁ ଫୋନ କରିଥିଲେ । ଯାହା ପରେ ଚାଳକଜଣଙ୍କ ମୁଁ ନିଶାଗ୍ରସ୍ତ ଥିବା କହି ଫୋନ କାଟି ଦେଇଥିଲେ ।
Hi guys, I need you all to take a minute and read my traumatic experience with the cab driver while taking a @Uber cab tonight! Help me spread more caution and awareness among women so that they don’t go through what I did! @UberINSupport pic.twitter.com/DNm5o1sa7S
— Aparna Balachander (@baparna_93) August 3, 2019
ଏହା ଦେଖି ମୁଁ ପୁଣି କଷ୍ଟମର କେୟାରଙ୍କୁ ଫୋନ କରି ପୂରା ଘଟଣା ଜଣାଇଲି । ଯାହା ପରେ ସେ ମୋତେ କ୍ୟାବ୍ରୁ ବାହାରିଯାଅ । ଆମେ ଆପଣଙ୍କ ପାଇଁ ଆଉ ଏକ କ୍ୟାବ୍ ବୁକ୍ କରିଦେବୁ ବୋଲି କହିଥିଲେ । ଏହା ଶୁଣି ଚାଳକଜଣଙ୍କ ଗାଡ଼ି ରଖି ମୋତେ, ତୁରନ୍ତ ବାହାରିଯାଅ । ଟିକେ ବିଳମ୍ବ ହେଲେ ମୁଁ ତୁମ ପୋଷାକ ଚିରି ଦେବି ବୋଲି କହି ଧମକ ଦେଇଥିଲେ । ଡ଼ରରେ ମୁଁ କ୍ୟାବ୍ରୁ ବାହାରି ରାସ୍ତା କଡ଼ରେ ଠିଆ ହୋଇଥିଲି । ସମୟ ପରେ ସମୟ ଗଡ଼ିଥିଲେ ମଧ୍ୟ କଷ୍ଟମର କେୟାରଙ୍କ ଫୋନ ଆସି ନ ଥିଲା କି କ୍ୟାବ୍ ମଧ୍ୟ ଆସି ନଥିଲା । ଯାହା ପରେ ମୁଁ ବାଧ୍ୟ ହୋଇ ମୋର ଜଣେ ବନ୍ଧୁଙ୍କୁ ଫୋନ କରି ମୋତେ ନେବା ପାଇଁ କହିଥିଲି । ମୁଁ ଘରେ ପହଞ୍ଚିଥିଲି ସତ କିନ୍ତୁ ଉବର ପକ୍ଷରୁ କୌଣସି ଫୋନ କଲ ଆସି ନଥିଲା ବୋଲି ଲେଖିଛନ୍ତି ଅପର୍ଣ୍ଣା । ଏହା ସହ ଉବରରେ ଯାତ୍ରା କରିବା ସୁରକ୍ଷିତ ନୁହେଁ ବୋଲି ସେ ସମସ୍ତଙ୍କୁ ସଚେତନ କରାଇଥିବା ଦେଖାଯାଇଛି ।