ଝିଅ ନ ଥିବାରୁ ଅନ୍ୟମାନଙ୍କ ଝିଅ ଅପହରଣ କରୁଥିଲା ଦୁଇ ପୁଅର ବାପା, ପୁଲିସ ଗିରଫ କଲା
ନୂଆଦିଲ୍ଲୀ : ଆଜିକାଲି କେହି ଝିଅ ଚାହୁଁ ନ ଥିବା ବେଳେ ଦିଲ୍ଲୀର ଜଣେ ଯୁବକଙ୍କ କାମ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଗୋଟେ ପଟେ କନ୍ୟା ଭ୍ରୁଣ ହତ୍ୟା କରାଯାଉଥିବା ବେଳେ ଅନ୍ୟ ପଟେ ଝିଅ ନ ଥିବାରୁ ଅନ୍ୟମାନଙ୍କ ଝିଅ ଅପହରଣ କରୁଥିଲେ ଦିଲ୍ଲୀରେ ରହୁଥିବା ଜଣେ ୪୦ବର୍ଷୀୟ ଯୁବକ । ପୁଲିସକୁ ଏ ନେଇ ଖବର ମିଳିବା ପରେ ସେ ଅଭିଯୁକ୍ତ ଯୁବକକୁ ଗିରଫ କରିଥିବା ଜଣାପଡ଼ିଛି । ଅଭିଯୁକ୍ତର ନାଁ କ୍ରିଷ୍ଣା ଦତ୍ତ ତିଓ୍ଵାରୀ ବୋଲି ଚିହ୍ନଟ କରାଯାଇଥିବା ବେଳେ ସେ ରଜୌରୀ ଗାର୍ଡେନର ବାସିନ୍ଦା ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କୀର୍ତ୍ତି ନଗରର ଜବାହର କ୍ୟାମ୍ପରେ ରହୁଥିବା ବାସିନ୍ଦା ନିଜ ୮ବର୍ଷୀୟ ଝିଅ ନିଖୋଜ ହେବାର ଅଭିଯୋଗ କରିଥିଲେ । ପାଖରେ ଥିବା ସାର୍ବଜନିକ ଶୌଚାଳୟକୁ ଯାଇଥିବା ବେଳେ ଝିଅ ଫେରି ନଥିବା ଅଭିଯୋଗ କରିଥିଲେ ପରିବାର ଲୋକେ । କିନ୍ତୁ ଅଭିଯୋଗ କରିବାର ପରଦିନ ସକାଳୁ ନିଖୋଜ ହୋଇଥିବା ଝିଅ ଆପେ ଆପେ ଘରକୁ ଫେରି ଆସିଥିଲେ । ଏ ନେଇ ପୁଲିସକୁ ସୂଚନା ଦିଆଯିବା ପରେ ପୁଲିସ ପଚରାଉଚରା ଆରମ୍ଭ କରିଥିଲା । ମୁଁ ଶୌଚାଳୟ ଯାଇଥିବା ବେଳେ ଜଣେ ଯୁବକ ମୋତେ ଚକୋଲେଟ୍ ଦେବା ବାହାନାରେ ଡ଼ାକି ତାଙ୍କ ଗାଡ଼ିରେ ବସାଇ ନିଜ ଘରକୁ ନେଇ ଯାଇଥିଲେ । ଏହା ପରେ ରାତି ସାରା ମୋତେ ତାଙ୍କ ଘରେ ରଖିବା ସହ ସକାଳୁ ଆସି ମୋତେ ଆମ ଘର ଆଗରେ ଛାଡ଼ି ଦେଇଥିଲେ ବୋଲି ନିଖୋଜ ବାଳିକା ପୁଲିସକୁ କହିଥିଲେ ।
ଏହା ଶୁଣି ପୁଲିସ ସିସିଟିଭି ଚେକ୍ କରିବା ପରେ ଗାଡ଼ିର ନମ୍ବର ଦେଖି ଗାଡ଼ି ମାଲିକ ପାଖରେ ଯାଇ ପହଞ୍ଚିଥିଲା। ଯାହା ପରେ ପୁଲିସ ଅଭିଯୁକ୍ତ କ୍ରିଷ୍ଣାଙ୍କୁ ଗିରଫ କରିବା ପରେ ନାବାଳିକାକୁ ଅପହରଣ କରିବାର କାରଣ ପଚାରିିଥିଲା । ମୋର ଦୁଇ ପୁଅ । କିନ୍ତୁ ମୁଁ ସବୁବେଳେ ଝିଅ ଚାହୁଁଥିଲି । ଏହା ପୂର୍ବରୁ ମଧ୍ୟ ମୁଁ ହରି ନଗର ଅଞ୍ଚଳରୁ ୮ବର୍ଷୀୟ ନାବାଳିକାକୁ ଅପହରଣ କରିଥିଲି । ଦୁଇ ତିନି ଦିନ ମୋ ପାଖରେ ରଖିବା ସହ ମୁଁ ତାକୁ ତାଙ୍କ ଘରେ ଛାଡ଼ି ଦେଇଥିଲି ବୋଲି କହିଛନ୍ତି କ୍ରିଷ୍ଣା । ଝିଅ ନ ଥିବାରୁ ସେ ଏପରି କରୁଥିବା ଜଣାପଡ଼ିଛି ।