ଦେବୀଙ୍କ ମୂର୍ତ୍ତିକୁ ବି ଛାଡ଼ିଲେନି: ଦୁର୍ଗା ମୂର୍ତ୍ତି ସହ ଆପତ୍ତିଜନକ କାମ କରି ଭିଡ଼ିଓ ପୋଷ୍ଟ କଲେ ୩ଜଣ ଯୁବକ, ଗିରଫ କଲା ପୁଲିସ
ସହାରାନ୍ପୁର: ପୂର୍ବରୁ ଦୁଷ୍କର୍ମକାରୀମାନେ ମହିଳାମାନଙ୍କୁ ନିଜ କାମନାର ଶିକାର କରୁଥିବା ବେଳେ ଏବେ ୩ଜଣ ଯୁବକ ଦେବୀ ଦୁର୍ଗାଙ୍କ ମୂର୍ତ୍ତି ସହ ଆପତ୍ତିଜନକ କାମ କରିଥିବା ଖବର ସାମ୍ନାକୁ ଆସିଛି । ଏହାର ଭିଡ଼ିଓ ଉତ୍ତୋଳନ କରି ସୋସିଆଲ ମିଡ଼ିଆରେ ପୋଷ୍ଟ କରିବା ପରେ ୩ଜଣ ଅଭିଯୁକ୍ତଙ୍କ ଏପରି କାମ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସ୍ଥାନୀୟ ଲୋକେ ଅଭିଯୁକ୍ତଙ୍କ ଏପରି କାମ ଦେଖି ସେମାନଙ୍କୁ ମାଡ଼ ମାରିବା ସହ ପୁଲିସ ଜିମା ଦେଇଥିଲେ । ଯାହା ପରେ ୩ଜଣଙ୍କ ବିରୋଧରେ ମାମଲା ରୁଜୁ କରାଯାଇ ସେମାନଙ୍କୁ ଜେଲ ପଠାଇ ଦିଆଯାଇଥିବା ଜଣା ପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରବିବାର ମଧ୍ୟରାତ୍ରୀରେ ଦୁର୍ଗାବାଡ଼ି ଆସି ସେଠାରେ ରଖା ଯାଇଥିବା ଦୂର୍ଗା ମୂର୍ତ୍ତି ସହ ଆପତ୍ତିଜନକ କାମ କରିଥିଲେ । ଏହା ସହ ଗାଳି ଦେଇ ଭିଡ଼ିଓ ତିଆରି କରିବା ପରେ ନିଜ ନକଲି ସୋସିଆଲ ମିଡ଼ିଆ ଆକାଉଣ୍ଟରୁ ଏହି ଭିଡ଼ିଓକୁ ପୋଷ୍ଟ କରିଥିଲେ । ଏହି ଭିଡ଼ିଓ ଭାଇରାଲ ହେବା ପରେ ହିନ୍ଦୁ ସଂଗଠନ ଆନ୍ଦୋଳନ କରିବା ସହ ଭିଡ଼ିଓରୁ ୩ଜଣ ଅଭିଯୁକ୍ତଙ୍କ ଠିକଣା ମିଳିଥିଲା । ୩ଜଣଙ୍କ ଘର ପଶ୍ଚିମବଙ୍ଗରେ ହୋଇଥିବା ବେଳେ ସହାରାନପୁରକୁ ସେମାନେ କାମ କରିବା ପାଇଁ ଆସିଥିଲେ ।
ଠିକଣା ମିଳିବା ପରେ ହିନ୍ଦୁ ସଂଗଠନର କିଛି କର୍ମୀ ୩ଜଣଙ୍କୁ ଖୋଜି ସେମାନେ କାମ କରୁଥିବା ସ୍ଥାନରେ ପହଞ୍ଚିଥିଲେ । ଯାହା ପରେ କର୍ମୀମାନେ ୩ଜଣଙ୍କୁ ଧରି ନିସ୍ତୁକ ମାଡ଼ ମାରିବା ସହ ସେମାନଙ୍କୁ କୋତଓ୍ଵାଲି ପୁଲିସ ଜିମା ଦେଇଥିଲେ ।