ପ୍ରେମିକ ସହ ରହିବା ପାଇଁ ପୁଅକୁ ହତ୍ୟା କଲା ମା’
ସଲେମ୍ : ଅବୈଧ୍ୟ ସଂପର୍କ ପାଇଁ ମା’ର ମମତାକୁ ବଳି ପକାଇଛନ୍ତି ଜଣେ ମହିଳା । ପ୍ରେମିକ ସହ ସୁଖର ସଂସାର କରିବା ପାଇଁ ନିଜ ହାତରେ ଗଢ଼ିଥିବା ସଂସାରକୁ ଭାଙ୍ଗିବାକୁ ପଛାଇ ନାହାନ୍ତି ମହିଳା । ପ୍ରେମିକ କଥାରେ ପଡ଼ି ନିଜ ବଡ଼ ପୁଅକୁ କୂଅକୁ ଠେଲି ହତ୍ୟା କରିଥିବା ବେଳେ ବୁଧବାର ପୁଲିସ ଅଭିଯୁକ୍ତ ମହିଳାକୁ ଗିରଫ କରିଥିବା ଜଣା ପଡ଼ିଛି । ଅନ୍ୟ ପକ୍ଷରେ ମହିଳାଙ୍କ ପ୍ରେମିକ ଫେରାର ଥିବା ବେଳେ ତାକୁ ଖୋଜିବା ଆରମ୍ଭ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିଯୁକ୍ତ ମୀନାବତି (୨୪) ପାଓ୍ଵାରଲୁମ୍ରେ କାମ କରୁଥିବା ମଣିକନ୍ଦନଙ୍କ ସହ ବିବାହ କରିଥିବା ବେଳେ ତାଙ୍କର ଶଶିକୁମାର ଏବଂ ଅକିଲନ ନାମକ ଦୁଇ ପୁଅ ଥିଲେ । ମଣିକନ୍ଦନ କାମ ପାଇଁ ଅଧିକ ସମୟ ବାହାରେ ରହୁଥିବାରୁ ମୀନାବତି ଏକୁଟିଆ ରହୁଥିଲେ । ଏହି ସମୟରେ ତାଙ୍କ ସାଥ୍ ଦେଇଥିଲେ ମଣିକନ୍ଦନଙ୍କ ସାଙ୍ଗ ଦେବରାଜ । କିଛି ଦିନର ମିଳାମିଶା ପରେ ଦୁହିଁଙ୍କ ମଧ୍ୟରେ ଅନୈତିକ ସଂପର୍କ ଗଢ଼ିଉଠିଥିଲାା ଧୀରେ ଧୀରେ ସଂପର୍କ ଅତି ଗଭୀର ହେବା ପରେ ଦେବରାଜ ମଣିକନ୍ଦନଙ୍କୁ ଛାଡ଼ି ତାଙ୍କ ସହ ରହିବା ପାଇଁ ମୀନାବତିଙ୍କୁ ବାଧ୍ୟ କରିଥିଲେ । ଏଥି ପାଇଁ ସେ ପ୍ରଥମେ ତାଙ୍କର ଦୁଇ ପୁଅଙ୍କୁ ମାରିବାକୁ ହେବ ବୋଲି କହିବାରୁ ମାର୍ଚ୍ଚ ୫ରେ ତାଙ୍କ ବଡ଼ ପୁଅ ଶଶିକୁମାରଙ୍କୁ ବୁଲାଇ ନେବା ବାହାନାରେ ନେଇ କୂଅକୁ ଠେଲି ଦେଇଥିଲେ ମୀନାବତି ।
ଅନ୍ୟ ପକ୍ଷରେ ମଣିକନ୍ଦନ ପୁଅକୁ ଚାରିଆଡ଼େ ଖୋଜି ନ ପାଇ ପୁଲିସରେ ଏତଲା ଦେବା ପରେ ପ୍ରକୃତ ଘଟଣା ସାମ୍ନାକୁ ଆସିଥିଲା । ତଦନ୍ତ ସମୟରେ ମୀନାବତିଙ୍କ ବୟାନକୁ ନେଇ ପୁଲିସ ସନ୍ଦେହ କରିବା ସହ ତାଙ୍କୁ ଜେରା କରିବା ଆରମ୍ଭ କରିଥିଲା । ଜେରା ସମୟରେ ମୀନାବତି କରିଥିବା ଦୋଷକୁ ମାନି ନେଇଥିବା ବେଳେ ଦେବରାଜ ତାଙ୍କୁ ଏପରି କରିବା ପାଇଁ କହିଥିଲେ ବୋଲି ପୁଲିସକୁ ଜଣାଇଥିଲେ । ପ୍ରକୃତ ଘଟଣା ସମ୍ନାକୁ ଆସିବା ପରେ ମୀନାବତିକୁ ଗିରଫ କରିବା ସହ ଦେବରାଜଙ୍କୁ ଖୋଜିବା ଆରମ୍ଭ କରିଛି ପୁଲିସ ।