ଜେଲ୍ରେ ମହିଳା କଏଦୀଙ୍କୁ ଶାରୀରିକ ସଂପର୍କ ରଖିବାକୁ ବାଧ୍ୟ କରାଯାଉଥିବା ଲେଖି ମୋଦୀଙ୍କୁ ଚିଠି ପଠାଇଲେ ମହିଳା, ତଦନ୍ତ ଆରମ୍ଭ
ମୁଜାଫରନଗର : ବିହାରର ମୁଜାଫରନଗରରେ ଥିବା ଖୁଦୀରାମ ବୋଷ୍ କେନ୍ଦ୍ରୀୟ କାରାଗାର ଭିତରେ ଘଟୁଥିବା ଏକ ଜଘନ୍ୟ ଘଟଣା ଏବେ ସାମ୍ନାକୁ ଆସିଛି । ଜେଲରେ ବନ୍ଦୀ ଥିବା ମହିଳା କଏଦୀଙ୍କୁ ଶାରୀରିକ ସଂପର୍କ ରଖିବାକୁ ବାଧ୍ୟ କରିବା ସହ ଶାରୀରିକ ସଂପର୍କ ରଖିଲେ ସେମାନଙ୍କୁ ବିଳାସପୂର୍ଣ୍ଣ ସୁବିଧା ମିଳୁଥିବା ଖବର ଏବେ ଚାରିଆଡ଼େ ଚର୍ଚ୍ଚାର ବିଷୟ ପାଲଟିଛି । ଏ ନେଇ ଜେଲ୍ରେ ବନ୍ଦୀ ଥିବା ଜଣେ ମହିଳା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଚିଠି ଲେଖି ଅଭିଯୋଗ କରିବା ପରେ ଘଟଣାଟି ସାମ୍ନାକୁ ଆସିଛି । ମାମଲାଟି ସାମ୍ନାକୁ ଆସିବା ପରେ ବିହାରର ମହିଳା ଆୟୋଗ ଜେଲ୍କୁ ଯାଇ ତଦନ୍ତ ଆରମ୍ଭ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ମୋଦୀଙ୍କୁ ଲେଖାଯାଇଥିବା ଚିଠିରେ ଖୁଦୀରାମ ବୋଷ୍ କେନ୍ଦ୍ରୀୟ କାରାଗାରରେ ବନ୍ଦୀ ଥିବା ମହିଳା କଏଦୀମାନଙ୍କୁ ଏଠାରେ ଶାରୀରିକ ସଂପର୍କ ରଖିବାକୁ ବାଧ୍ୟ କରାଯାଉଛି । ପଦାଧିକାରୀ ଏବଂ ପୁରୁଷ ଅଭିଯୁକ୍ତମାନଙ୍କ ସହ ଶାରୀରିକ ସଂପର୍କ ନ ରଖିଲେ ଏଠାରେ ମହିଳାମାନଙ୍କୁ ମାଡ଼ ମରା ଯାଉଛି । ଯେଉଁ ମହିଳାମାନେ ଶାରୀରିକ ସଂପର୍କ ରଖିବା ପାଇଁ ରାଜି ହୋଇ ଯାଉଛନ୍ତି, ସେମାନଙ୍କୁ ଫୋନରେ କଥା ହେବାର ସୁଯୋଗ ଦିଆଯିବା ସହ ଅନ୍ୟ ସୁବିଧା ମିଳୁଛି । ଯିଏ ଏଭଳି ଅପରାଧର ବିରୋଧ କରୁଛି, ତାକୁ ଖାଇବାକୁ ଦିଆଯାଉ ନାହିଁ । ଚିଠିରେ ମହିଳା କଏଦୀଜଣଙ୍କ ୩ଜଣ ମହିଳା ପୁଲିସ କର୍ମଚାରୀଙ୍କ ନାଁ ମଧ୍ୟ ଲେଖିଛନ୍ତି । ଯେଉଁମାନେ ଜେଲ୍ରେ ଥିବା ମହିଳାଙ୍କ ଝିଅକୁ ମାର୍ଚ୍ଚ ୪ରେ ପଦାଧିକାରୀଙ୍କ ସହ ଶରୀରିକ ସଂପର୍କ ରଖିବା ପାଇଁ ବାଧ୍ୟ କରିଥିଲେ । କିନ୍ତୁ ପୀଡ଼ିତା ମନା କରିବାରୁ ତାଙ୍କୁ ନିସ୍ତୁକ ମାଡ଼ ମରାଯାଇଥିଲା । ଯାହାଦ୍ୱାରା ମହିଳାଙ୍କ ଝିଅ ଅଚେତ୍ ହୋଇ ଯାଇଥିଲେ ବୋଲି ଲେଖି ମହିଳା ପ୍ରଧାନମନ୍ତ୍ରୀ, ବିହାରର ମୁଖ୍ୟାମନ୍ତ୍ରୀ ଏବଂ ମହିଳା ଆୟୋଗକୁ ଚିଠି ଲେଖିଥିଲେ । ମହିଳା ଆୟୋଗକୁ ଏହି ଚିଠି ମିଳିବା ପରେ ଏବେ ତଦନ୍ତ ଆଦେଶ ଦିଆଯାଇଥିବା ଜଣା ପଡ଼ିଛି ।