୧୧୦ ବସ୍ତା ୟୁରିଆ ସାର ଜବତ, ବ୍ୟବସାୟୀଙ୍କ ନାମରେ ମାମଲା
ପଦ୍ମପୁର: ୟୁରିଆ ସାର କଳାବଜାର ନେଇ ବ୍ୟବସାୟୀଙ୍କ ନାମରେ ମାମଲା। ପଦ୍ମପୁର ଉପଖଣ୍ତ ଝାରବନ୍ଧ ଥାନା ଅଧିନସ୍ଥ ଛତିଶଗଡ଼ ସୀମାନ୍ତ ନିତ୍ୟାନନ୍ଦପୁର ଗ୍ରାମରେ ବ୍ୟାପକ ମାତ୍ରାରେ ୟୁରିଆ ସାର କଳାବଜାର ହେଉଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଏ ବିଷୟରେ ଜାଣି ବ୍ଲକ ସହକାରୀ କୃଷି ଅଧିକାରୀ ପ୍ରଣୟ ମନ୍ତ୍ରୀ, ଡୁଂଗୁରିପାଲି ସହକାରୀ କୃଷି ଅଧିକାରୀ ମନୋଜ ରାଉତ, ପୁଲିସ ଏଏସ୍ଆଇ ବିନୋଦ କନ୍ଧେର ଓ ଅନ୍ୟ କର୍ମଚାରୀ ଚଢାଉ କରିବା ସହ ବ୍ୟବସାୟୀଙ୍କ ନାମରେ ମାମଲା ରୁଜୁ କରିଛନ୍ତି। ବ୍ୟବସାୟୀ ଡିଂଗରଲାଲ ସାହୁଙ୍କଠାରୁ ୫୨ ବସ୍ତା ଓ ତାରାବାଈ ସାହୁଙ୍କଠାରୁ ୫୮ ବସ୍ତା ୟୁରିଆ ସାର ଜବତ କରାଯାଇଛି। ସେମାନେ ବସ୍ତା ପ୍ରତି ୪୭୦ ଟଙ୍କାରେ ସାର ବିକ୍ରୟ କରୁଥିଲେ । ଏବେ ମାମଲା ରୁଜୁ ସହ ସାରର ନମୁନା ପରୀକ୍ଷା ପାଇଁ ସମ୍ବଲପୁରକୁ ପଠାଯାଇଛି।