କୋଲାବିରା : ୪୯ ନମ୍ବର ଜାତୀୟ ରାଜପଥ କୋଲାବିରା ନିକଟସ୍ଥ ସନ୍ୟାସୀପାଳି ଛକଠାରେ ଏକ ଟ୍ୟାଙ୍କର ଏକ ବାଇକକୁ ଧକ୍କା ଦେବାରୁ ଘଟଣାସ୍ଥଳରେ ବାଇକ ଚାଳକଙ୍କ ମୃତ୍ୟୁ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ସୋମବାର ସକାଳ ସାଢେ ୧୦ଟା ରେ ସନ୍ୟାସୀପାଳି ଗାଁର ଦୀନବନ୍ଧୁ ମାଝୀ(୫୦) ନିଜ ଘରୁ ବାହାରି ଜାତୀୟ ୪୯ ନମ୍ବର ଜାତୀୟ ରାଜପଥରେ ଯ଼ାଉଥିଲେ । ବିପରୀତ ପଟୁ ଆସୁଥିବା ଏକ ଟ୍ୟାଙ୍କର (ନଂ ଓଆର ୦୨ ଵିଜି ୫୮୧୯) ତାଙ୍କ ବାଇକକୁ ସାମ୍ନାସାମ୍ନି ଧକ୍କା ଦେଇଥିଲା । ତୁରନ୍ତ ଗ୍ରାମବାସୀ ଓ କୋଲାବିରା ପୋଲିସ ଘଟଣା ସ୍ଥଳରେ ପହଞ୍ଚି ତାଙ୍କୁ ଚିକିତ୍ସା ପାଇଁ ନେଇଥିଲେ । ତେବେ ଡାକ୍ତରଖାନାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଦୀନବନ୍ଧୁଙ୍କ ମୃତ୍ୟୁ ପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା । ପ୍ରାୟ ୧୫ ମିନିଟ ପାଇଁ ସ୍ଥାନୀୟ ଲୋକେ ରାସ୍ତା ଅବରୋଧ କରିରଖିଥିଲେ । ପରେ ଥାନା ଅଧିକାରୀ ସୁକୁମାର ତ୍ରିପାଠୀ ବୁଝାଇ ଲୋକଙ୍କୁ ଶାନ୍ତ କରାଇବା ପରେ ସ୍ଥିତି ସ୍ୱାଭାବିକ ହୋଇଥିଲା। ଏ ନେଇ ପୋଲିସ ମାମଲା ରଜୁ କରି ଟ୍ୟାଙ୍କର କୁ ଅଟକ ରଖିଛି।