ଘର ଆଖପାଖ ଅସଜଡ଼ା, ଅଞ୍ଚଳ ସଜାଡ଼ିବେ କ’ଣ? ଅନୁଭବ, ଶଶୀଭୂଷଣ ଓ ପ୍ରମୋଦ ମଲ୍ଲିକଙ୍କ ଘର ଆଖପାଖ ଅବସ୍ଥା ଶୋଚନୀୟ
କଟକ: କଟକ ସହରରେ କେବଳ କଟକର ଜନ ପ୍ରତିନିଧି ରହୁ ନାହାନ୍ତି, ରାଜ୍ୟର ଅନେକ ବରିଷ୍ଠ ବିଧାୟକ, ସାଂସଦ ବି ରହୁଛନ୍ତି। ସେମାନଙ୍କ ଘର ଆଖପାଖ ଅଞ୍ଚଳ ବି ଅତ୍ୟନ୍ତ ବିପର୍ଯ୍ୟସ୍ତ, ଅସଜଡ଼ା। କେଉଁଠି କିଛି ମୁହଁ ନ ଖୋଲି ସେମାନେ ସେଠି ରହୁଛନ୍ତି କେମିତି, ତାହାକୁ ନେଇ ସାଧାରଣ ଲୋକ ପ୍ରଶ୍ନ କରୁଛନ୍ତି। ନିଜ ଅଞ୍ଚଳର ପାରିପାର୍ଶ୍ବିକ ବିକାଶ ପାଇଁ ଉଦ୍ୟମ କରିବା କ’ଣ ସେମାନଙ୍କର ଉତ୍ତରଦାୟିତ୍ବ ନୁହେଁ? ଏ ପ୍ରଶ୍ନ ଏବେ ଲୋକ କରୁଛନ୍ତି।
Sambad is now on WhatsApp
Join and get latest news updates delivered to you via WhatsApp
କଟକର ନନ୍ଦୀସାହିରେ ରୁହନ୍ତି ପୂର୍ବତନ ରାଜ୍ୟସଭା ସାଂସଦ, ବର୍ତ୍ତମାନର କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି। ସିଡିଏ ସେକ୍ଟର-୬ରେ ରହୁଛନ୍ତି ପୂର୍ବତନ ମନ୍ତ୍ରୀ, ପୂର୍ବତନ ରାଜ୍ୟସଭା ସଦସ୍ୟ ତଥା ବର୍ତ୍ତମାନ କେନ୍ଦ୍ରାପଡ଼ାର ବିଧାୟକ ଶଶୀଭୂଷଣ ବେହେରା। ସେକ୍ଟର-୯ରେ ରହୁଛନ୍ତି ନିଆଳିର ତିନି ଥରର ବିଧାୟକ ଡାକ୍ତର ପ୍ରମୋଦ ମଲ୍ଲିକ। ସେମାନଙ୍କ ଅଞ୍ଚଳର ରାସ୍ତାଘାଟ, ଡ୍ରେନ, ପରିମଳ ଓ ପାଣି ସମସ୍ୟାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖିବାକୁ ମିଳିଛି।