ନବୀନଙ୍କ ଉପସ୍ଥିତିରେ ବିଜେଡିରେ ସାମିଲ ହେଲେ ପୂର୍ବତନ ଖୋର୍ଦ୍ଧା ବିଧାୟକ ଜିତୁ ମିତ୍ର
ଭୁବନେଶ୍ବର : ଘରକୁ ବାହୁଡ଼ିଲେ ପୂର୍ବତନ ଖୋର୍ଦ୍ଧା ବିଧାୟକ ଜ୍ୟୋତିନ୍ଦ୍ର ନାଥ ମିତ୍ର ଓରଫ ଜିତୁ ମିତ୍ର । ଖୋର୍ଦ୍ଧା ଗଡ଼କୁ ଦଖଲ କରିବାରେ ବିଜେଡିକୁ ବଳ ଦେବେ ପୂର୍ବତନ ବିଜେପି ନେତା ଜିତୁ ମିତ୍ର । ଏ ନେଇ ଆଜି ନବୀନ ନିବାସରେ ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଉପସ୍ଥିତିରେ ଶଙ୍ଖ ଧରିଛନ୍ତି ଜିତୁ । ପ୍ରଥମେ ସେ ବିଜେଡିରେ ଥିଲେ । ପରେ ସେ ବିଜେପିରେ ସାମିଲ ହୋଇଥିଲେ । ଆଜି ହଜାର ହଜାର ସମର୍ଥକଙ୍କ ସହ ବିଜେଡିରେ ସାମିଲ ହୋଇଛନ୍ତି ଜିତୁ ମିତ୍ର ।
Sambad is now on WhatsApp
Join and get latest news updates delivered to you via WhatsApp
ବିଜେପି ଛାଡି ସେ ପୁଣି ବିଜେଡିରେ ସାମିଲ ହୋଇଛନ୍ତି । ଜିତୁ ବିଜେଡ଼ିକୁ ବଳ ଦେବେ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି । ଆଉ ଏହାର ଭିତରେ ଟିକେଟ ପାଇଁ ଆରମ୍ଭ ହୋଇଯାଇଛି ନେତାଙ୍କ ଜୋରଦାର ଲଢେଇ । ଆଜି ନବୀନ ନିବାସ ଯାଇ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି ମାଳ ମାଳ ନେତା ଆଉ ଏହାରି ସଙ୍ଗରେ ପୁଣି ଥରେ ବିଜେଡିକୁ ଫେରିଛନ୍ତି ଖୋର୍ଦ୍ଧାର ପୂର୍ବତନ ବିଧାୟକ ଜିତୁ ମିତ୍ର ।
ସେପଟେ, ଟିକେଟ ପାଇଁ ଆରମ୍ଭ ହୋଇଯାଇଛି ଜୋରଦାର ଲବି । ଆଜି ନବୀନ ନିବାସ ଯାଇ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି କନ୍ଧମାଳ ସାଂସଦ ପ୍ରତ୍ୟୁଷା ରାଜେଶ୍ୱରୀ, ଯାଜପୁର ସାଂସଦ ରୀତା ତରାଇ ଓ ବରଗଡ ସାଂସଦ ପ୍ରଭାସ ସିଂ । ୩୩ପ୍ରତିଶତ ମହିଳାଙ୍କୁ ସାସଦକୁ ପଠାଇବା ପାଇଁ ଗତକାଲି ଘୋଷଣା କରିବା ପରେ ଟିକେଟ ପାଇବା ନେଇ ପୁଣି ଥରେ ଆଶାବାଦୀ ହୋଇପଡିଛନ୍ତି ଉଭୟ ରୀତା ଓ ରୀଜେଶ୍ୱରୀ ।