ଭକ୍ତି ଭାବରେ ବନ୍ଧା ଶିଳ୍ପୀ ସତ୍ୟନାରାୟଣ, ଚାରିଦିନରେ ଅଢ଼େଇ ଇଞ୍ଚର ନନ୍ଦିଘୋଷ ରଥ ନିର୍ମାଣ କରି କାଳିଆ ଠାକୁରଙ୍କୁ କଲେ ରଥାରୂଢ
ଗଞ୍ଜାମ: ଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ପାଇଁ ବ୍ରହ୍ମପୁର ସହରର ଜଣେ ଭକ୍ତ ତଥା ଶିଳ୍ପୀ ସତ୍ୟନାରାୟଣ ମହାରଣା କୁନି ରଥରେ କୁନି ଠାକୁରଙ୍କୁ ଗଢ଼ିଛନ୍ତି। ଯାହାକି ଏବେ ଚର୍ଚ୍ଚାର ବିଷୟ ପାଲଟିଛି।
Sambad is now on WhatsApp
Join and get latest news updates delivered to you via WhatsApp
ଭକ୍ତି ଭାବରେ ବନ୍ଧା ଶିଳ୍ପୀ ସତ୍ୟନାରାୟଣ ଦୀର୍ଘ ୫ ବର୍ଷ ହେବ କ୍ଷୁଦ୍ର ରଥ ନିର୍ମାଣ କରି ଆସୁଛନ୍ତି । ୫ ବର୍ଷ ତଳେ ସେ ପ୍ରଥମେ ୧୪ ଇଞ୍ଚର ୩ଟି ରଥ ନିର୍ମାଣ କରି ଦେଶ ବିଦେଶରେ ନାମ ଅର୍ଜନ କରିସାରିଛନ୍ତି । ତେବେ ଚଳିତ ବର୍ଷ ଚାରିଦିନରେ କାଳିଆ ସାଆନ୍ତଙ୍କ ରଥଯାତ୍ରା ଅବସରରେ ମାତ୍ର ଅଢେଇ ଇଞ୍ଚର ନନ୍ଦିଘୋଷ ରଥ ସେ ନିର୍ମାଣ କରିଛନ୍ତି । ଏହି ରଥରେ ରହିଛି ୧୬ଟି ଚକ, ୪ଟି ଘୋଡ଼ା, ୨ଟି ଓଲଟା ଶୁଆ ଓ ଦଧିନଉତି । ବିଶ୍ୱର ସବୁଠାରୁ କ୍ଷୁଦ୍ର ରଥ ନିର୍ମାଣ କରି ସେଥିରେ ସେ କାଳିଆ ଠାକୁରକୁ ରଥାରୂଢ କରିଛନ୍ତି ।
ତେବେ ନିଜର ପରାକାଷ୍ଠା ଓ ସାଧନା ବଳରେ କିଛି ନିଆରା କରିବାକୁ ସତ୍ୟନାରାୟଣ ଚାହିଁଥାଆନ୍ତି। ୨୦୧୬ରେ ୧୪ ଇଞ୍ଚର ରଥ ନିର୍ମାଣ କରିଥିଲେ । ସେହିଭଳି ୨୦୧୭ରେ ୮ ଇଞ୍ଚର ଏବଂ ୨୦୧୮ରେ ୪ ଇଞ୍ଚର ରଥ ନିର୍ମାଣ କରି ସମ୍ମାନିତ ମଧ୍ୟ ହୋଇଥିଲେ ସତ୍ୟ ନାରାୟଣ । ମାତ୍ର ଚଳିତ ବର୍ଷ ଅଢେଇ ଇଞ୍ଚର କାଠ ରଥ ନିର୍ମାଣ କରି ନିଜ ରେକର୍ଡକୁ ନିଜେ ଭାଙ୍ଗିଛନ୍ତି ।