କାଲିମେଳାରେ ୧୦ମ ଶ୍ରେଣୀ ଛାତ୍ରୀର ଆତ୍ମହତ୍ୟା
କାଲିମେଳା : କାଲିମେଳା ଥାନା ଅନ୍ତର୍ଗତ କୋଇମେଟାଲ ପଂଚାୟତ ଏମଭି-୬୮ ହାଇସ୍କୁଲରେ ୧୦ମ ଶ୍ରେଣୀରେ ପାଠ ପଢୁଥିବା ଆରତୀ ଭକ୍ତ ନାମକ ଜଣେ ଛାତ୍ରୀ ଆତ୍ମହତ୍ୟା କରିଥିବା ଜଣାଯାଇଛି । ସେ ନିଜ ବେକରେ ଓଢଣୀ ଲଗାଇ ଏକ ଗଛରେ ଆତ୍ମହତ୍ୟା କରିଥିବାର ସୂଚନା ହସ୍ତଗତ ହୋଇଛି ।
Sambad is now on WhatsApp
Join and get latest news updates delivered to you via WhatsApp
କୋଇମେଟାଲ ଛାତ୍ରୀ ନିବାସ ପଛ ପଟେ ଥିବା ଏକ ଗଛରେ ଆଜି ସକାଳେ ଛାତ୍ରୀ ଜଣକ ଆତ୍ମହତ୍ୟା କରିଥିବାର ଗ୍ରାମବାସୀ ଦେଖି ପରିବାର ସହ ପୁଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୁଲିସ ପହଞ୍ଚି ପରିବାର ଲୋକଙ୍କ ସମୁଖରେ ଶବର ପଞ୍ଚନାମା କରିବା ସହିତ କାଲିମେଳା ମେଡିକାଲରେ ଶବ ବ୍ୟବଚ୍ଛେଦ କରାଯାଇ ପରିବାରକୁ ହସ୍ତାନ୍ତର କରାଯାଇ ଥିଲା । ଏ ସମ୍ପର୍କରେ କାଲିମେଳା ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଥିବାର ଜଣା ପଡିଛି । ପାରିବାରିକ ଅଶାନ୍ତିରୁ ଛାତ୍ରୀ ଜଣକ ଆତ୍ମହତ୍ୟା କରିଥିବାର ଅଭିଯୋଗ ହୋଇଛି ।