କେନାଲରେ ବୁଡ଼ି ୨ ଛାତ୍ର ମୃତ ଘଟଣା: ସ୍କୁଲରେ ତାଲା ପକାଇଲେ ଲୋକେ, ରଟିଣା ଗାଁରେ ଏକ ପ୍ଲାଟୁନ ପୁଲିସ ମୁତୟନ
ବାଲେଶ୍ୱର: କେନାଲରେ ବୁଡ଼ି ୨ ଜଣ ଛାତ୍ରଙ୍କ ମୃତ୍ୟୁ ଘଟଣାରେ ବାଲେଶ୍ୱର ଜ଼ିଲ୍ଲା ଖଇରା ବ୍ଲକର ହରିପୁର ରଟିନା ଗାଁର ଲୋକେ ଉତ୍ତେଜିତ ହୋଇଛନ୍ତି। ଗ୍ରାମବାସୀ ନୋଡାଲ ୟୁପି ସ୍କୁଲରେ ତାଲା ପକାଇ ଦେଇଛନ୍ତି। ଏଥି ସହିତ ଜଣେ ଶିକ୍ଷକଙ୍କୁ ଅଟକ ରଖିଛନ୍ତି। ପରିସ୍ଥିତିକୁ ଦୃଷ୍ଟିରେ ରଖି ଗାଁରେ ଏବେ ଏକ ପ୍ଲାଟୁନ ପୁଲିସ ମୁତୟନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ସପ୍ତମ ଶ୍ରେଣୀର ଛାତ୍ର ଧନଞ୍ଜୟ ଜେନା ଓ ଷଷ୍ଠ ଶ୍ରେଣୀର ଛାତ୍ର ରାଜେଶ ସାହୁ ମଧ୍ୟାହ୍ନ ଭୋଜନ ଖାଇ ହାତ ଧୋଇବାକୁ କେନାଲକୁ ଯାଇଥିଲେ। ହାତ ଧୋଇବା ସମୟରେ ନିଜର ଅସାବଧାନତା ଯୋଗୁଁ ସେମାନଙ୍କର ଗୋଡ଼ ଖସି ଯାଇଥିଲା। ଫଳରେ ପାଣିର ସୁଅ ଧନଞ୍ଜୟ ଓ ରାଜେଶଙ୍କୁ ଭସାଇ ନେଇଥିଲା। ସ୍ଥାନୀୟ ଲୋକଙ୍କର ଦ୍ୱାରା ଉଭୟଙ୍କୁ ଉଦ୍ଧାର କରାଯାଇ ଭଦ୍ରକ ମେଡିକାଲରେ ଭର୍ତ୍ତି କରାଯାଇଥିଲା। ୨ ଛାତ୍ରଙ୍କୁ ଡାକ୍ତର ମୃତ୍ୟୁ ଘୋଷଣା କରିଛନ୍ତି।
ଅନ୍ୟପଟରେ ଦୁଇ ଛାତ୍ରଙ୍କ ମୃତ୍ୟୁକୁ ରେଟିନା ଗ୍ରାମର ଲୋକେ ସହଜରେ ଗ୍ରହଣ କରିପାରୁ ନାହାନ୍ତି। ଗ୍ରାମବାସୀଙ୍କ ଅଭିଯୋଗ ଅନୁସାରେ ବିଦ୍ୟାଳୟ କର୍ତ୍ତୃପକ୍ଷଙ୍କର ଦାୟିତ୍ୱହୀନତା ଯୋଗୁଁ ଆଜି ଏଭଳି ଘଟଣା ଘଟିଛି। ରିପୋର୍ଟ ଲେଖାଯିବା ବେଳକୁ ସ୍କୁଲ ପରିସରରେ ଉତ୍ତେଜନା ଜାରି ରହିଛି। ଘଟଣାସ୍ଥଳକୁ ତହସିଲଦାର ଯାଉଛନ୍ତି।