ଗଞ୍ଜାମ: ହାତୀଗଡ଼ା ଗ୍ରାମରେ ପିଟି ପିଟି ଯୁବକଙ୍କୁ ହତ୍ୟା

ସୂଚନା ଅନୁଯାୟୀ, ଅରୁଣ ରାଜ୍ୟ ବାହାରେ କାମ କରୁଥିଲେ। କରୋନା କଟକଣା ଯୋଗୁଁ ଗାଁକୁ ‌ଫେରିଥିଲେ। ସଙ୍ଗରୋଧରେ ରହିବା ପରେ ଗତ ୨୦ ଦିନ ପୂର୍ବେ ଘରକୁ ଫେରିଥିଲେ। ଆଜି ସକାଳେ ଗାଁରେ ଜଣେ ସମ୍ପର୍କୀୟଙ୍କ ‌ଭୋଜିକୁ ଯାଇଥିଲେ। ସେଠାରୁ ଫେରି ଅରୁଣ ସନ୍ଧ୍ୟାରେ ଘରେ ଥିବା ବେଳ‌େ କିଛି ଯୁବକ ତାଙ୍କୁ ବାହାରକୁ ଡାକିଥିଲେ। ସେ ବାହାରକୁ ଆସି କଥାବାର୍ତ୍ତା ହେଉଥିଲେ। ହଠାତ୍ ୬ରୁ ଊର୍ଦ୍ଧ୍ବ ଯୁବକ ଠେଙ୍ଗା ଓ କାଠ ଫାଳିଆରେ ଅରୁଣଙ୍କୁ ସଂଘବଦ୍ଧ ଆକ୍ରମଣ କରିଥିଲେ। ରକ୍ତାକ୍ତ ଅବସ୍ଥାରେ ଅରୁଣଙ୍କୁ ଛାଡ଼ି ସେଠାରୁ ପଳାଇଥିଲେ। ରକ୍ତସ୍ରାବ ଯୋଗୁଁ ଘଟଣାସ୍ଥଳରେ ଅରୁଣଙ୍କ ମୃତ୍ୟୁ ହୋଇଥିଲା। ଏନେଇ ବାପା ସୋରଡ଼ା ଥାନାରେ ଖବର ଦେବା ପରେ ଥାନା ଅଧିକାରୀ ରମେଶ ପ୍ରଧାନ ପୁଲିସ ଟିମ୍ ହାତୀଗଡ଼ା ଗ୍ରାମରେ ପହଞ୍ଚିଛନ୍ତି। ମୃତ ଦେହକୁ ଜବତ କରି ପୁଲିସ ଗ୍ରାମବାସୀଙ୍କୁ ପଚରାଉଚରା କରୁଥିବା ନେଇ ଆସିକା ଏସଡିପିଓ ସୂର୍ଯ୍ୟମଣି ପ୍ରଧାନ କହିଛନ୍ତି।