ମୁମ୍ବାଇ: ବଲିଉଡର ଲୋକପ୍ରିୟ ଦମ୍ପତି ବିପାଶା ବସୁ ଏବଂ କରଣ ସିଂ ଗ୍ରୋଭରଙ୍କ ବିବାହକୁ ୬ବର୍ଷ ପୁରିଛି। ବିବାହର ୬ବର୍ଷ ପରେ ଦୁହେଁ ମାତାପିତା ହେବାକୁ ନିଷ୍ପତ୍ତି ନେଇଥିବା ଜଣାପଡ଼ିଛି। ଏହି ଦମ୍ପତି ୨୦୧୬ମସିହାରେ ବିବାହ କରିଥିଲେ। ସେବେଠାରୁ ବିପାଶା ବସୁ ଏବଂ କରଣ ସିଂ ଗ୍ରୋଭର କେବେ ପିତାମାତା ହେବେ, ସେହି ଦିନକୁ ତାଙ୍କ ପ୍ରଶଂସକମାନେ ଅପେକ୍ଷା କରିଥିଲେ। ବର୍ତ୍ତମାନ ବିବାହର ୬ବର୍ଷ ପରେ, ଏହି ଦମ୍ପତି ପ୍ରଥମ ଥର ପାଇଁ ପିତାମାତା ହେବାକୁ ଯାଉଛନ୍ତି। କିଛି ଦିନ ହେଲା ଏନେଇ ଚର୍ଚ୍ଚା ହେଉଥିବା ବେଳେ ଆଜି ଫଟୋ ସେୟାର କରି ଖବରକୁ ନିଶ୍ଚିତ କରିଛନ୍ତି ବିପାଶା ଏବଂ କରଣ।
Sambad is now on WhatsApp
Join and get latest news updates delivered to you via WhatsApp
ବିପାଶା ବେବି ବମ୍ପ ଦେଖାଇବା ସହ ଦୁହେଁ ଧଳା ରଙ୍ଗର ପୋଷାକ ପିନ୍ଧିଥିବା ଦେଖାଯାଇଛି। ଇନଷ୍ଟାରେ ଦୁହେଁ ଫଟୋ ସେୟାର କରି ଏହି ଖୁସି ଖବର ନିଜ ପ୍ରଶଂସକଙ୍କୁ ଜଣାଇଛନ୍ତି।
View this post on Instagram
ଉଲ୍ଲେଖଯୋଗ୍ୟ, ବିପାଶା ବସୁଙ୍କ ସହ ଏହା କରଣ ସିଂ ଗ୍ରୋଭରଙ୍କ ତୃତୀୟ ବିବାହ। ଦୁହେଁ ପ୍ରଥମେ ଭୂଷଣ ପଟେଲଙ୍କ ଚଳଚ୍ଚିତ୍ର ଏଲୋନରେ ଏକାଠି କାମ କରିଥିଲେ। ଏହି ଚଳଚ୍ଚିତ୍ର ୨୦୧୫ମସିହାରେ ରିଲିଜ ହୋଇଥିବା ବେଳେ ଏହା ପରେ ବିପାଶା ବସୁ ଏବଂ କରଣ ସିଂ ଗ୍ରୋଭର ପରସ୍ପରର ଅତି ନିକଟତର ହୋଇଥିଲେ। ପ୍ରାୟ ଏକ ବର୍ଷ ଧରି ପରସ୍ପରକୁ ଡେଟ କରିବା ପରେ ଦୁହେଁ ୨୦୧୬ ମସିହାରେ ବିବାହ କରିବାକୁ ନିଷ୍ପତ୍ତି ନେଇଥିଲେ। ଏହି ଦୁଇଜଣଙ୍କର ବିବାହ ଅତ୍ୟନ୍ତ ବ୍ୟକ୍ତିଗତ ଥିଲା। ପରିବାର ସଦସ୍ୟଙ୍କ ବ୍ୟତୀତ କିଛି ଘନିଷ୍ଠ ବନ୍ଧୁ ବିପାଶା ବସୁ ଏବଂ କରଣ ସିଂ ଗ୍ରୋଭରଙ୍କ ବିବାହରେ ସାମିଲ ହୋଇଥିଲେ।