ବିମାନବନ୍ଦରରେ ଅଭିନେତ୍ରୀଙ୍କ ହଜିଗଲା ହୀରା କାନଫୁଲ: ଖୋଜି ଆଣିବା ବ୍ୟକ୍ତିଙ୍କ ପାଇଁ ପୁରସ୍କାର ଘୋଷଣା କଲେ ଜୁହି
ମୁମ୍ବାଇ: ନିକଟରେ ମୁମ୍ବାଇ ବିମାନବନ୍ଦରରେ ଅଭିନେତ୍ରୀ ଜୁହି ଚାଓ୍ବଲାଙ୍କ ହୀରା କାନଫୁଲ ହଜି ଯାଇଛି। ଅଭିନେତ୍ରୀ ଏ ସମ୍ପର୍କରେ ସୋସିଆଲ୍ ମିଡିଆରେ ଏକ ପୋଷ୍ଟ ଲେଖିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏଥିରେ ସେ ଉଲ୍ଲେଖ କରି କହିଛନ୍ତି ଯେ, ‘ରବିବାର ସକାଳେ ମୁମ୍ବାଇ ବିମାନବନ୍ଦର ଗେଟ୍ ନମ୍ବର ୮ରାସ୍ତାରେ ଯାଉଥିଲେ। ଏହି ସମୟରେ ତାଙ୍କର ସିକ୍ୟୁରିଟି ଚେକ୍ ହୋଇଥିଲା। ଏତିକି ବେଳେ ତାଙ୍କର ହୀରା କାନଫୁଲ କେଉଁଠାରେ ହଜି ଯାଇଥିବା ସେ ଜାଣିବାକୁ ପାଇଥିଲେ। ତେଣୁ ଯିଏବି ତାଙ୍କୁ ହୀର କାନଫୁଲ ଖୋଜି ଆଣିବାରେ ସାହାଯ୍ୟ କରିବେ ସେ ତାଙ୍କୁ ପୁରସ୍କାର ଦେବେ ବୋଲି ଘୋଷଣା କରିଛନ୍ତି। ଏହା ତାଙ୍କ ମ୍ୟାଚିଂ ପିସ୍ ଥିଲା ଯାହାକୁ ସେ ୧୫ବର୍ଷ ହେବ ସବୁବେଳେ ପିନ୍ଧି ଆସିଛନ୍ତି। ଦୟା କରି ଏହି ରିଙ୍ଗକୁ ଖୋଜିବାରେ ସାହାଯ୍ୟ କରିବାକୁ ଜୁହି ଅନୁରୋଧ କରିଛନ୍ତି।
Kindly help 🙏 pic.twitter.com/bNTNYIBaZ2
— Juhi Chawla (@iam_juhi) December 13, 2020
ଏହି ପୋଷ୍ଟ୍ ସହ ଜୁହି ତାଙ୍କ ହୀରା କାନଫୁଲର ଏକ ଫଟୋ ମଧ୍ୟ ସେୟାର କରିଛନ୍ତି। ଏଥିରେ ସେ ନିଜ ହାତରେ କାନଫୁଲ ଧରିଥିବା ଦେଖିବାକୁ ମିଳୁଛି। ଜୁହିଙ୍କ ଏହି ଇୟରରିଙ୍ଗ୍ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି।