ଭୋପାଲ : ଲୋକସଭା ନିର୍ବାଚନ ୨୦୧୯ ପାଇଁ ବିଜେପି ବୁଧବାର ମଧ୍ୟପ୍ରଦେଶର ୪ଜଣ ପ୍ରାର୍ଥୀଙ୍କ ନାଁ ଘୋଷଣା କରିଥିଲା । ୪ଜଣଙ୍କ ମଧ୍ୟରୁ ସବୁଠାରୁ ଅଧିକ ଚର୍ଚ୍ଚାରେ ରହିଥିଲା ସାଧ୍ୱୀ ପ୍ରଜ୍ଞା ଠାକୁରଙ୍କ ନାଁ । ମାଲେଗାଓଁ ଆକ୍ରମଣକୁ ନେଇ ଚର୍ଚ୍ଚାରେ ରହିଥିବା ସାଧ୍ୱୀ ପ୍ରଜ୍ଞାଙ୍କୁ ବିଜେପି ଭୋପାଳରୁ ଟିକେଟ ଦେଇଥିବା ନେଇ ଘୋଷଣା କରାଯିବା ପରେ ଏହି ଖବର ଅନେକଙ୍କୁ ନିରାଶ କରିଥିଲା । ଏ ନେଇ ବିପକ୍ଷ ଦଳମାନେ ଅଶାନ୍ତି ବ୍ୟକ୍ତ କରିଥିବା ବେଳେ ବଲିଉଡ୍ ଅଭିନେତ୍ରୀ ସ୍ୱରା ଭାସ୍କର ମଧ୍ୟ ଏ ନେଇ ବିଜେପିକୁ କଡ଼ା ସମାଲୋଚନା କରିଥିବା ଦେଖା ଯାଇଛି ।
Sambad is now on WhatsApp
Join and get latest news updates delivered to you via WhatsApp
ସାଧ୍ୱୀ ପ୍ରଜ୍ଞାଙ୍କ ନାଁ ଘୋଷଣା କରାଯିବା ପରେ, ୨୦୧୯ ଲୋକସଭା ନିର୍ବାଚନ ପାଇଁ ବିଜେପି ଏକ ଭଲ ପ୍ରାର୍ଥୀପତ୍ର ଘୋଷଣା କରିଛନ୍ତି । ମାଲେଗାଓଁ ଭଳି ଆକ୍ରମଣରେ ସଂପୃକ୍ତି ଥିବା ସମ୍ଭାବିତ ଆତଙ୍କବାଦୀଙ୍କୁ ବିଜେପି ନିର୍ବାଚନ ଲଢ଼ିବା ପାଇଁ ଟିକେଟ ଦେଇ ନିଜର ଅସଲ ଚେହେରା ସାମ୍ନାକୁ ଆଣିଛି । ଯଦି ଏ ମହିଳା ତୁମମାନଙ୍କୁ ନିର୍ଦ୍ଦୋଷ ଲାଗୁଛି, ତେବେ ହାଫିଜ୍ ସୟିଦ୍ଙ୍କୁ ଆମେ ସନ୍ଥ କହିବା ବୋଲି ଟୁଇଟ୍ କରିଥିଲେ ସ୍ୱରା ।
ସୂଚନା ମୁତାବକ, ୨୦୦୮ରେ ମାଲେଗାଓଁ ବିସ୍ଫୋରଣ ମାମଲାର ଅଭିଯୁକ୍ତ ସାଧ୍ୱୀ ପ୍ରଜ୍ଞାଙ୍କୁ ଗତ ବର୍ଷ ଏନଆଇଏ କୋର୍ଟ ପ୍ରମାଣ ଅଭାବରେ ନିର୍ଦ୍ଦୋଷରେ ଖଲାସ କରିଥିଲେ। ୧୯୮୯ ମସିହାରୁ ଏ ଯାଏଁ ଭୋପାଳରୁ ବିଜେପି ପ୍ରାର୍ଥୀ ସୁମିତ୍ରା ମହାଜନ ବିଜୟୀ ହୋଇ ଆସିଥିଲେ,ମାତ୍ର ଏଥର ସେ ନିର୍ବାଚନ ନ ଲଢିବାର ନିଷ୍ପତ୍ତି ନେଇଛନ୍ତି।