ଶୌଚାଳୟ ସହ କ୍ୟାମେରା ଆଗରେ କ୍ଲୋଜ୍ଅପ ସଟ୍ ଦେବା ସମୟରେ ମଧ୍ୟ ନିଜ ଝିଅକୁ ସ୍ତନ୍ୟପାନ କରାଇଛନ୍ତି ନେହା!
ମୁମ୍ବାଇ : ସାର୍ବଜନିକ ସ୍ଥାନରେ ସ୍ତନ୍ୟପାନ କରାଇବାକୁ ଏବେ ବି ଲୋକ ଏକ ଲଜ୍ଜା ବୋଲି ଭାବୁଥିବା ବେଳେ ଲୋକଙ୍କ ମନରେ ଏଭଳି ଭାବନା ହଟାଇବା ପାଇଁ ଅନେକ ସେଲିବ୍ରିଟି ସାର୍ବଜନିକ ସ୍ଥାନରେ ସ୍ତନ୍ୟପାନ କରାଉଛନ୍ତି । ପୂର୍ବରୁ ଅନେକ ମହିଳା ସାର୍ବଜନିକ ସ୍ଥାନରେ ସ୍ଥନ୍ୟପାନ କରାଉଥିବାର ଫଟୋ ସାମ୍ନାକୁ ଆସିଥିବା ବେଳେ ବଲିଉଡ୍ ଅଭିନେତ୍ରୀ ନେହା ଧୁପିଆ ସ୍ତନ୍ୟପାନକୁ ନେଇ ନିଜର ଅନୁଭବ ଜଣାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ମୁଁ ମୋ ଝିଅ ମେହେରକୁ ବିମାନବନ୍ଦରର ଶୌଚାଳୟ, ଗଛ ପଛରେ, କାର୍ ଭିତରେ, ସୁଟିଂ ସେଟ୍, ଏମିତି କି କ୍ୟାମେରାରେ କ୍ଲୋଜ୍ଅପ୍ ସଟ୍ ଦେବା ସମୟରେ ମଧ୍ୟ ସ୍ତନ୍ୟପାନ କରାଇଛି । ମୁଁ ସବୁବେଳେ ମୋ ଝିଅ ପାଖରେ ରହିଥାଏ ଏବଂ ତାକୁ ଭୋକ ହେବା ମାତ୍ରେ ମୁଁ କେଉଁଠି ଅଛି ସେ କଥା ନ ଭାବି, ତାକୁ ସ୍ତନ୍ୟପାନ କରାଇଥାଏ । କିନ୍ତୁ ମୋ ହିସାବରେ ଗୋଟେ ମା’କୁ ସ୍ତନ୍ୟପାନ କରାଇବା ପାଇଁ ଭଲ ସ୍ଥାନ ଅତ୍ୟନ୍ତ ଜରୁରୀ ବୋଲି କହିଛନ୍ତି ନେହା ।