ଷ୍ଟାରଡମ୍ର ଲାଭ ଓ କ୍ଷତି ବିଷୟରେ ଜଣାଇଲେ ରିତିକ୍
ମୁମ୍ବାଇ : ଗତ ୧୯ବର୍ଷ ହେଲାଣି ଦର୍ଶକଙ୍କ ମନୋରଞ୍ଜନ କରି ଆସୁଛନ୍ତି ଅଭିନେତା ରିତିକ୍ ରୋଶନ । ଏହି ୧୯ବର୍ଷ ମଧ୍ୟରେ ସେ ଦର୍ଶକଙ୍କ ମନ ଜାଣି ଅନେକ ହିଟ୍ ଫିଲ୍ମ ଦେଇଛନ୍ତି । ଗତ କିଛି ଦିନ ତଳେ ତାଙ୍କ ଅଭିନୀତ ଫିଲ୍ମ ‘ଓ୍ଵାର୍’ ରିଲିଜ୍ ହୋଇଥିଲା । ଯାହା ୨୦୧୯ର ସବୁ ରେକର୍ଡକୁ ଭାଙ୍ଗି ଦେଇଥିଲା । ତେବେ ୧୯ବର୍ଷର କ୍ୟାରିୟରରେ ତାଙ୍କୁ ଯେଉଁ ଷ୍ଟାରଡମ୍ ମିଳିଛି ସେଥିରେ କେତେ ଲାଭ ଓ କେତେ କ୍ଷତି ହୋଇଛି, ତାହା ରିତିକ୍ ଜଣାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏକ ସାକ୍ଷାତକାରରେ, ଷ୍ଟାରଡମ୍ ପାଇଁ କିଛି ମୂଲ୍ୟ ଦେବାକୁ ପଡ଼ିଥାଏ କି? ବୋଲି ପ୍ରଶ୍ନ କରାଯିବା ପରେ ସେ ଏହାର ଉତ୍ତରରେ କହିଥିଲେ କି, “ଷ୍ଟାରଡମ୍ ପାଇଁ ଆପଣଙ୍କୁ ଦାୟିତ୍ୱ ନେବାକୁ ହେବ । ସମାଜର ଦାୟିତ୍ୱ ଏବଂ ତାକୁ ଠିକ୍ ଦିଗରେ ନେବାର ଦାୟିତ୍ୱ କାନ୍ଧରେ ବୋହିବାକୁ ହେବ। ନିଜ ବ୍ୟକ୍ତିଗତ ଜୀବନକୁ ଟିକେ ତ୍ୟାଗ କରିବାକୁ ହେବ। କିନ୍ତୁ ଷ୍ଟାରଡମ ପାଇଁ ଏ ସବୁ କରିବା ବହୁତ କମ । କାରଣ ଷ୍ଟାରଡମ ପାଇଁ ଆମର ଯେତିକି କ୍ଷତି ହୋଇ ନଥାଏ, ତା’ଠାରୁ ଅଧିକ ଲାଭ ଆମକୁ ମିଳିଥାଏ । ତେଣୁ ଏ ନେଇ ମୋର କୌଣସି ଅଭିଯୋଗ କରିବାର ନାହିଁ” ।